Búgin kóktemgi áskerge shaqyrý jumystarynyń nátijesi belgili boldy. Anyqtalǵandai, kóktemgi áskerge shaqyrý barysynda 15 myńnan astam azamat áskeri qyzmetke qabyldanǵan. Bul týraly Qorǵanys ministrliginde Bas shtab bastyǵynyń birinshi orynbasary general-leitenant Marat Qusaiynovtyń basshylyǵymen ótken jiynda talqylandy, - dep habarlaidy «Ult aqparat».
Almatylyq Salih Nurlanuly 21 jasynda Otan aldyndaǵy boryshyn óteýge attanǵan. Onyń ákesi ulynyń uzaq ýaqyt daiyndalǵanyn, áskerge, onyń ishinde Qarýly kúshterge qyzmet etýdi maqsat etkenin áńgimelep berdi.
«Meniń ulym Qarýly kúshterde boryshyn ótegisi keldi. Alaida ol buiyrmady. Degenmen, kóktemgi shaqyrýda áskerge alynyp, eń bastysy Otan aldyndaǵy boryshymdy ótegim keledi degen ulym óz maqsatyna jetti. Endi tek aman-esen oralýyn tileimin. Amandyq bolsa, ásker salasynda Otanyna qyzmet etýdi jalǵastyramyn dep niettenip otyr. Biz úshin balanyń arman-maqsaty mańyzdy. Degenmen áskeri sala ońai emes ekenin aqyryndap jetkizdim dep oilaimyn», - dedi.
Belgili bolǵanyndai, kóktemgi áskerge shaqyrý kampaniiasy qorytyndysy boiynsha, biylǵy kóktemde Qarýly Kúshterge, basqa da áskerler men áskeri quralymdarǵa 15 myńnan astam adam shaqyrylyp, onyń 6 000-nan astamy Qarýly Kúshterge jiberilgen.
Murat Qusaiynovtyń aitýynsha, pademiia jaǵdaiynda qabyldanǵan sanitariialyq-epidemiologiialyq sharalar jiyn pýnktterinde áskerge shaqyrylýshylardyń indetti jappai juqtyrýyn boldyrmaýǵa, áskerge shaqyrýdy josparly túrde júrgizýge múmkindik berilgen.
«Ózderińizge belgili, áskerge shaqyrý kompaniiasy kezinde Uiymdastyrý-jumyldyrý jumystary departamenti buqaralyq aqparat quraldarynda, áleýmettik jelilerde túsindirý jumystaryn júrgizdi. Sonymen qatar, áskerge shaqyrylýshylar, olardyń týǵan-týystary jedel jeli telefondary arqyly jeke áńgimelesý jolymen týyndaǵan suraqtaryn qoiyp, tolyqqandy jaýap aldy», - dedi Bas shtab bastyǵynyń birinshi orynbasary general-leitenant Marat Qusaiynov.
Al meditsina mamandary áskerge shaqyrylatyn er-azamattardyń densaýlyǵyna qatysty negizgi máselelerdi de atap ótti. Dárigerlerdiń aitýynsha, áskerge shaqyrylýshylarda kezdesetin sipatty aýrýlarǵa júrgizilgen taldaý anaǵurlym keń taralǵan aýrýlardyń kóz, asqazan-ishek joldarymen, omyrtqamen, nevrologiiamen bailanysty ekenin kórsetken.
«Qazirgi tańda qimyl qozǵalystyń azdyǵynan, durys tamaqtanbaý men smartfon-gadjetterdi normadan tys qoldanýdan joǵaryda atalǵan aýrýlar jii kezedsip jatady. Onyń ishinde áskerge shaqyrylǵan azamattarda da bar. Kóktemgi áskerge shaqyrý jumystary osyny ańǵartty. Ásirese, erlerge salaýatty ómir saltyn saqtap, ýaqytyl ári durys tamaqtanýǵa keńes berer edik. Erkektiń densaýlyǵy ózi úshin ǵana emes, otbasy men Otany úshin de mańyzdy ekenin eskergenimiz jón», - dedi nevrolog Aida Smanova.
Atalǵan jiyn barysynda, Bas shtab bastyǵynyń birinshi orynbasary jergilikti áskeri basqarý organdarynyń barynsha ashyqtyǵyn jáne turǵyndardy ótkiziletin is-sharalar týraly habardar etýdi qamtamasyz etý, áskerge shaqyrylýshylardyń týystarymen turaqty túrde keri bailanys ornatý mindetin qoidy. Sonymen qatar, general-leitenant Marat Qusaiynov áskerge shaqyrý jasyna deiingi jáne áskerge shaqyrylatyn jastardy «Jas sarbaz», «Aibyn» áskeri-patriottyq qozǵalysyna, basqa da áskeri-patriottyq jáne sport klýbtaryna barynsha tartý qajettigine nazar aýdardy.
Esterińizge sala keteiik, Búgin kóktemgi áskerge shaqyrý jumystarynyń nátijesi belgili boldy. Anyqtalǵandai, kóktemgi áskerge shaqyrý barysynda 15 myńnan astam azamat áskeri qyzmetke qabyldanǵan. Bul týraly Qorǵanys ministrliginde Bas shtab bastyǵynyń birinshi orynbasary general-leitenant Marat Qusaiynovtyń basshylyǵymen ótken jiynda talqylandy. Belgili bolǵanyndai, kóktemgi áskerge shaqyrý kampaniiasy qorytyndysy boiynsha, biylǵy kóktemde Qarýly Kúshterge, basqa da áskerler men áskeri quralymdarǵa 15 myńnan astam adam shaqyrylyp, onyń 6 000-nan astamy Qarýly Kúshterge jiberilgen.
