Kókshetaýda vaktsina alǵan nan zaýytynyń qyzmetkerlerine 2 myń teńgeden berilýde. Bul týraly «Aqsai nan» jaýapkershiligi shekteýli seriktestiginiń direktory Sáýle Sobolevskaia málim etti, dep habarlaidy "Ult aqparat".
Kásiporyn basshysynyń aitýynsha, búgingi tańda nan zaýytynda jumysshylardy jappai vaktsinatsiialaý boiynsha nátijeli jumystar júrzilýde. Olardy yntalandyrý úshin aqshalai syiaqy da qarastyrylǵan.
«Koronavirýs infektsiiasynyń taralýyn toqtatýdyń jalǵyz joly – jappai vaktsina saldyrý. Sondyqtan ár adam bul jaǵdaiǵa úlken jaýapkershilikpen qaraýy kerek. Bizdiń kásiporyn ujymy da osyǵan erekshe mán berip otyr. Basshylyq tarapynan túsindirý jumystaryn júrgizip, jumysshylarymyzdy barynsha yntalandyryp jatyrmyz. Maýsymnyń 25-28 aralyǵyndaǵy Krasnoiar kentindegi emhananyń mamandary kásiporynǵa kelip, jumysshylarymyzǵa jappai ekpe salýdy josparlap otyr. Búgingi tańda nan zaýytynda barlyǵy 172 adam jumys isteidi. Olardyń 19-y vaktsina alyp úlgerdi. Birer kúnde taǵy 55 adam vaktsina alady. Vaktsina alǵandarǵa kásiporynnyń kásipodaq uiymy arqyly 2 myń teńgeden aqshalai syiaqy beremiz», - deidi Sáýle Sobolevskaia.
Sonymen birge, ol aldaǵy shilde aiynyń 1-nen bastap, jumysshalardyń vaktsina alǵandyǵy týraly tólqujaty bolýy nemese PTR testen ótkendigin bildiretin anyqtama arqyly ǵana jumysqa jiberiletinin atap ótti.
