2021 jyly «Qoǵamdyq keńester týraly» Zańǵa engizilgen túzetýlerdiń arqasynda memlekettik satyp alý boiynsha konkýrstyq komissiialarǵa qoǵamdyq keńesterdiń músheleri alǵash ret qatysýda, dep habarlaidy "Ult aqparat" QR Aqparat jáne qoǵamdyq damý ministrliginiń baspasóz qyzmetine silteme jasap.
Esterińizge sala keteiik, 2021 jyldyń 3 qańtarynda Memleket Basshysy Qasym-Jomart Toqaev «Qoǵamdyq keńester týraly» Zańǵa birqatar túzetýler engizip, olardyń músheleriniń quqyqtary men mindetterin aitarlyqtai keńeitti. Olar qoǵamdyq keńesterdiń múshelerin satyp alý komissiialarynyń jumysyna tartýdy kózdeidi.
Aqparat jáne qoǵamdyq damý ministrliginiń Qoǵamdyq keńester qyzmeti salasyndaǵy salaaralyq úilestirýdi júzege asyratyn ýákiletti memlekettik organ retindegi monitoringi qoǵam belsendileriniń uiymdastyrý jáne ótkizý qaǵidalarynyń erejelerin eskere otyryp, qoǵamdyq baqylaý nysandaryna kiriskenin kórsetedi.
Mysaly, Qarjy monitoringi agenttiginiń Qoǵamdyq keńesiniń músheleri 5 konkýrstyq komissiianyń jumysyna qatysty, al otyn-energetika kesheni máseleleri jónindegi Qoǵamdyq keńestiń músheleri Energetika ministrliginiń 14 memlekettik satyp alýyn júzege asyrýǵa qatysty.
Sondai-aq, búginde agroónerkásiptik keshen, ishki ister organdarynyń qyzmeti, memlekettik qarjy máseleleri jónindegi qoǵamdyq keńesterdiń músheleri Aýyl sharýashylyǵy, Ishki ister jáne Qarjy ministrlikteriniń Memlekettik satyp alý jónindegi konkýrstyq komissiialarynyń quramyna endi.
Sonymen qatar, jumys elimizdiń óńirlerinde de júrgizilýde. Osylaisha, memlekettik satyp alý protsesiniń ashyqtyǵy men obektivtiligin qamtamasyz etý úshin qoǵamdyq keńesterdiń músheleri Jambyl jáne Almaty oblystarynyń konkýrstyq komissiialarynyń quramyna kirdi.
Budan basqa, qoǵamdyq keńester kvazimemlekettik sektor sýbektilerin qospaǵanda, Memlekettik kásiporyndardyń, memleket baqylaityn aktsionerlik qoǵamdar men jaýapkershiligi shekteýli seriktestikterdiń damý josparlarynyń iske asyrylý monitoringiniń nátijeleri týraly esepterdi talqylaýdy tájiribege engizdi.
Densaýlyq saqtaý, memlekettik qarjy, otyn-energetikalyq keshen máseleleri jónindegi qoǵamdyq keńesterde «Farmatsiia» SK JShS, «Elektrondyq qarjy ortalyǵy» AQ, «Aqparattyq-esepteý ortalyǵy» AQ, «Ulttyq indýstriialyq munai-himiia tehnoparki» AEA, «Munai jáne gaz aqparattyq-taldaý ortalyǵy» AQ siiaqty vedomstvolyq baǵynysty uiymdardyń esepteri tyńdalyp, olardyń qorytyndylary boiynsha tiisti usynymdar berildi.
