QR Ekologiia ministrligi Ekologiia, geologiia jáne tabiǵi resýrstar komitetiniń tóraǵasy Zulfuhar Joldasov Kóbeituz kóliniń emdik qasietine qatysty pikir bildirdi, dep habarlaidy QazAqparati.
«Biregei de kórikti kóldegi qazirgi ahýalǵa alańdap otyrmyz. Áleýmettik jelide bul kólge qatysty aqparatqa tolyp ketkenin bilesizder. Bul jaǵdaiǵa alańdaýshylyq bildire otyryp, bárin óz kózimizben kórý úshin osynda keldik. Kól 640 ga aýmaqty alyp jatyr. Tereńdigi bir jarym metr. Kóp adam qyzǵylt tús tuzdan nemese topyraqtan shyǵyp tur dep, qate oilaidy. Belgili bir mikroaǵzalar kóldi osyndai túske bólep tur», - deidi Zulfuhar Joldasov Aqmola oblysyna ornalasqan Kóbeituz kóline baspasóz týry barysynda.
Onyń aitýynsha mundai kólder Avtraliia men Kanadada da bar.
«Bizdiń biregei kólimiz óziniń erekshe túsimen halyqty yntyqtyryp otyr. Áleýmettik jelide demalys kúnderi qanshama halyqtyń osynda keletinin kórdińizder. Kóldiń qandai da bir emdik qasieti bar dep, halyq beker oilaidy. Shyntýaitynda bul kóldiń eshqandai qasieti joq. Bul basqa kólderde bar tuz. Artyq eshteńesi joq. Soǵan qaramastan demalys kúnderi osynda kelgen halyq tuz ben batpaqty alyp ketip jatyr. Osy kólge kele jatyp, tipti adamdar kól tuzynyń kelisin 5 myń teńgege satqysy keletini týraly habarlama taraǵanyn da kórdim. Álbette bul shyndyqqa janaspaidy», - deidi ol.
