Ramazan aiynda Qazaqstan musylmandary dini basqarmasy 3500 otbasyna qajetti azyq-túlik sebetterin taratty dep habarlaidy Ult.kz.
«Osyǵan bailanysty biz Qazaqstan musylmandary dini basqarmasynyń 35 jyldyǵyna orai qasietti Ramazan aiynan bastap elimiz boiynsha «35 myń azyq-túlik sebetin taratý» aktsiiasyn qolǵa aldyq. Igi joba jyl boiy jalǵasady. Qaiyrymdylyq aktsiia aiasynda muqtaj jandarǵa tiisti áleýmettik kómek kórsetiledi» -dedi Bas múfti Naýryzbai qajy Taǵanuly .
QMDB taratqan aqparat boiynsha Dini basqarmanyń 35 jyldyǵyna jáne Ramazan aiynyń qurmetine orai uiymdastyrylǵan qaiyrymdylyq marafonynda 3500 otbasyǵa qajetti azyq-túlik sebetteri taratyldy. Aita keteiik, qaiyrymdylyq marafony jyl sońyna deiin jalǵasyp, barlyǵy 35 myń otbasyǵa azyq-túlik sebetterin jetkizý josparlanǵan. Al búgingi igi is-sharaǵa bir mezette elimiz boiynsha meshit imamdary, «Zeket jáne qaiyrymdylyq» qorynyń qyzmetkerleri men eriktileri, din janashyrlary, demeýshi azamattar atsalysty.
