Qazaqstan halqy Assambleiasy álemdi jailaǵan pandemiiaǵa bailanysty el halqyna Úndeý jariialady, dep habarlaiy "Ult aqparat".
«Álemdi jailaǵan COVID-19 indeti, ókinishke qarai, bizdiń elimizde de beleń alyp, aýrýǵa shaldyqqandar sany kúrt ósip otyr. Kisi ólimi kóbeiip, arystai azamattarymyzdyń ortamyzdan ketip jatqany janymyzǵa batady.
Osynaý qiyn sátte Qazaqstannyń Tuńǵysh Prezidenti – Elbasy, Qazaqstan halqy Assambleiasynyń Tóraǵasy Nursultan Nazarbaev bizdiń kúshimiz – birlikte ekenin taǵy bir márte eske saldy. Halqymyz basyna túsken aýyrtpalyqty óziniń kúsh-jigeri, uiymshyldyǵy, bolashaqqa degen umtylysy arqyly jeńetinine senim bildirdi.
Memleket basshysy Qasym-Jomart Kemeluly Toqaev 13 shildeni Ulttyq aza tutý kúni dep jariialap, oryn alǵan kemshilikterdi joiyp, qolǵa alynýy tiis shuǵyl sharalardy atap kórsetti.
QHA óz kezeginde qazaq eline qoldaý bildire otyryp, karantin talaptaryn qatań saqtaýǵa jáne týǵan-týystarǵa janashyr bolýǵa shaqyrady.
Búgingi qaraly sátte jaqyndarynan airylǵan barsha otbasylardyń qaiǵylaryna ortaqtasyp, shyn júrekten kóńil aitamyz»,-delingen Úndeýde.
