Foto: yandex.kz
QR Básekelestikti qorǵaý jáne damytý agenttiginiń Almaty qalasy boiynsha departamenti Kinopark — Kinoplexx Theatres kinoteatrlar jelisiniń áreketterinen ústem jaǵdaidy teris paidalaný belgilerin anyqtady, dep habarlaidy Ult.kz.
Vedomstvo málimetinshe, atalǵan jeli otandyq kinoóndirýshilerge mindetti túrde jarnama biýdjetin tóleý talabyn qoiǵan. Al bul tólem jasalmaǵan jaǵdaida filmder kinoteatrlarda kórsetilimge jiberilmegen.
Agenttik mundai talaptar básekelestikti shektep, naryq sýbektileriniń zańdy quqyqtaryn buzǵanyn atap ótti. Sonymen qatar, bul áreketter kinoóndirýshilerdiń kinoprokat naryǵyna kirýine kedergi keltirip, otandyq kinematografiianyń damýyn tejegen.
Osyǵan bailanysty Kinopark — Kinoplexx Theatres kompaniiasyna básekelestik zańnamasyn buzý belgileri týraly habarlama joldanǵan. Habarlamany qaraý nátijesinde anyqtalǵan zańbuzýshylyqtar joiyldy. Atap aitqanda, mindetti jarnamalyq tólemder toqtatylyp, filmderdi prokatqa shyǵarý úshin talap etilgen «kirý tólemderi» alynyp tastaldy.
Sondai-aq qazir filmderdi relizder kestesine engizý, seanstardy ózgertý, prokat merzimin belgileý jáne filmderdi kórsetilimnen alý tártibin retteitin biryńǵai ári ashyq reglament ázirlenip jatyr.
Qabyldanǵan sharalar naryqtyń barlyq qatysýshysyna teń jaǵdai jasaýǵa, kinoprokattyń ashyqtyǵyn arttyrýǵa jáne otandyq kinoindýstriianyń damýyna qolaily orta qalyptastyrýǵa baǵyttalǵan.
Buǵan deiin kinoteatrlardyń ulttyq filmderdi kórsetýge qyzyǵýshylyq tanytpai otyrǵany da aitylǵan bolatyn.
