Qazaqstannyń biologiialyq sanalýandyqty qorǵaý qaýymdastyǵy kiikterdiń Qazaqstannan Ózbekstan aýǵanyn málim etti, dep habarlaidy "Ult aqparat".
«Qazaqstannyń biologiialyq sanalýandyqty qorǵaý qaýymdastyǵy men QR shekara qyzmeti Qazaqstan men Ózbekstan arasyndaǵy shekara bógetterindegi arnaiy ótkelder arqyly kiikterdiń ótkenin dáleldeitin aiǵaqtardy tapty. 2012 jyldan bastap qaýymdastyq shekara qyzmetimen jáne Orman sharýashylyǵy jáne janýarlar álemi komitetimen birlesip, Ústirt popýliatsiiasy kiikteriniń kóshi-qonyn jeńildetý úshin jumys júrgizip jatyr. 2015 jyly qaýymdastyq usynysy negizinde shekara qyzmeti árbir shaqyrym saiyn sym temirden jasalǵan bógetterdi jartylai alyp tastady», - dep atap ótedi uiym Facebook paraqshasynda jariialaǵan aqparatynda.
Qaýymdastyq málimetinshe, Ózbekstannyń aýmaǵyna kiretin Ústirtte sońǵy 5 jylda alǵash ret kiikter kózge túsken.
«Dál osy jańalyq Qazaqstannyń shekara qyzmetimen birge eki eldiń memlekettik shekarasyndaǵy shekaralyq beldeýdi aralap kórýge negiz boldy. Sóitip bóget boiynda 7 núkteden kiikterdiń izin baiqadyq. QBAQQ bul baǵyttaǵy jumysty jalǵastyrady. Biyl shekara qyzmetimen birge qosymsha sholǵyndaý josparlanyp otyr», - dep atap ótedi qaýymdastyqtan.
