Memleket basshysy Qasym-Jomart Toqaev óz joldaýlarynda eldegi tsifrlandyrýdy damytýmen qatar kiberqaýipsizdik máselesin de kóterip keledi. Kiberqaýipsizdik qazirgi kezde ulttyq qaýipsizdikpen bite qarastyrylyp otyrǵan ózekti másele.
Eldegi ár salany tsifrlandyrý kezeńinde hakerlik shabýyl, baǵdarlamalaýdaǵy qateler orny tolmas shyǵynǵa ákelýi múmkin. Sondyqtan búgingi kún tártibinde turǵan taqyryp - memlekettik derekterdiń qaýipsizdigi, tsifrlyq soǵystyń aldyn alý, kiberqaýipsizdikti baqylaýǵa alý.
Qazaqstan tsifrlyq qaýipsizdikti qamtamasyz etý maqsatynda kezeń kezeńimen jumys atqaryp keledi. Osy baǵytta «Kiberqalqan» tujyrymdamasy bekitilip, aqparattyq qaýipsizdik standarttary engizildi.
Arnaiy qurylymdar tsifrlyq qaýipsizdikti qamtamasyz etý úshin ǵalamtor keńistigine manitoring júrgizý, kiberqylmystardy anyqtaý, qaýyp-qaterdiń aldyn alý jumystarymen ailanystady.
Kiberqaýipsizdik bir ǵana eldiń máselesi emes, ǵalamtor jailaǵan zamanda álem elderiniń árqaisyna qatysty másele. Sondyqtan Qazaqstan aimaqtyq sharalarda bas kórsetip, kiberqaýipsizdik máselesinde tájiribemen bólisedi, ózge eldermen birlese kiberqylmystarǵa qarsy kúres júrgizedi. Birikken Ulttar Uiymy aiasynda kiberqaýipsizdik normalaryn talqylaýǵa qatysady.
Álem elderi BUUaiasynda kiberkeńistikte jaýapkershilik normalaryn qalyptastyrý, kibershabýyldardyń aldyn alý, tsifrlyq qaýipsizdik standarttaryn engizý máselelerin kóterip keledi. Bul áreketter óz kezeginde túrldi deńgeide nátijelerge qol jetkizip otyr.
Kiberqaýipsizdik Qazaqstanda memlekettik baǵdarlamalar aiasynda áreket etip, arnaiy qyzmettiń belsendi jumysymen qatar halyqaralyq yntymaqtastyqqa deiingi ár túrli jumystarmen nátije berip otyr.
