KIA avtokólik zaýyty - Qazaqstandaǵy jańa ári joǵary tehnologiialyq óndiris oryndarynyń biri. Kásiporynnyń óndiristik alańy 2025 jyldyń qazan aiynda iri investitsiialar men elde júrgizilip jatqan ekonomikalyq reformalardyń qoldaýy arqasynda iske qosyldy, dep habarlaidy Ult.kz.
Zaýyttyń jobalyq qýaty jylyna 70 myńǵa deiin avtokólik shyǵarýǵa múmkindik beredi. Qazirgi ýaqytta kásiporyn qarqyndy damyp keledi, ujym qataryna jas mamandar belsendi túrde tartylýda. Zaýyt tolyq qýatyna shyqqan kezde munda shamamen 1500 adam jumys isteitin bolady.
Bul - zamanaýi óndiris orny. Kásiporyn tehnologiialyq jaǵynan elimizdegi eń robottandyrylǵan avtozaýyttardyń biri sanalady. Óndiris protsesine 70 ónerkásiptik robot tartylǵan.
Zaýyt ujymy úshin jańa Konstitýtsiia jobasynda eńbek qaýipsizdigine kepildik berilýi, ádil eńbekaqy tóleý qaǵidattarynyń bekitilýi jáne jumysshylardyń quqyqtaryn qorǵaý tetikteriniń kúsheitilýi mańyzdy.
"Biz jańa Konstitýtsiiany qabyldaý jónindegi referendýmdy qoldaimyz. Óitkeni myqty ekonomika, eń aldymen, adam eńbegine degen qurmetten bastalady. Biz – damý úshin, biz – Qazaqstannyń jarqyn bolashaǵy úshin daýys beremiz", - deidi kásiporyn ókilderi.
Qazirgi zamanǵy ónerkásip pen qorǵalǵan eńbek - ekonomikalyq ósimniń jáne erteńgi kúnge degen senimniń berik negizi.
