Halyqaralyq valiýta qory (HVQ) 18 mamyrda Ózbekstanǵa koronavirýs pandemiiasynyń ekonomikaǵa keri áserin azaitý úshin 375 mln dollar kóleminde jeńildikpen nesie berýdi maquldady. Bul týraly qarjy ministrliginiń baspasóz qyzmeti habarlady.
125 mln dollar kóleminde nesie 10 jylǵa paiyzsyz beriledi. Alǵashqy bes jylynda jeńildik jasalady. 250 mln dollar 1,05 paiyzdyq mólsherlememen 5 jylǵa úsh jyldyq jeńildikpen beriledi.
Bul qarajat koronavirýs pandemiiasy men ǵalamdyq daǵdarystyń keri áserin azaitý maqsatynda qurylǵan qarjy ministrligi janyndaǵy qor esepshotyna aýdarylady.
Ministrlik esep palatasynyń aýdit júrgizetinin aityp, qarajatty jumsaýda ashyqtyq saqtaýǵa ýáde berdi.
