Foto: gov.kz
Talǵar aýdany ákimi apparatynyń basshysy Aslan Qasymbaev qyzmetinen ketti, dep habarlaidy Stan.kz. Al Talǵar aýdanynyń ákimi Aidarbekov Tańat pen onyń orynbasary Aibek Bidaevqa sógis jariialandy.
Eske salaiyq, buǵan deiin Talǵar aýdany ákiminiń orynbasary Aibek Bidaev Aslan Qasymbaevtyń Hasanǵa týystyq qatynasyn rastaǵan joq, biraq joqqa da shyǵarmaǵan edi.
Onyń aitýynsha, Aslan Qasymbaevtyń Talǵar aýdany ákimi apparatynyń basshysy bolyp otyrǵanyna eki jyldan asqan. Oǵan deiin Talǵar aýdanynyń Belbulaq aýyldyq okrýginiń ákimi bolyp jumys istegen.
Aita keteiik, Aslan Qasymbaev "Hýtor bandasynyń" basshysy delingen Hasan Qasymbaevtyń aǵasy. Ol Talǵar aýdany ákimdiginiń apparat basshysy qyzmetinde 2 jyldan asa otyrǵan.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumǵan edi. Keiinnen jaǵdaidyń mán-jaiy anyqtaldy. Janjal jasóspirimniń otbasy jumys isteitin dúkende bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osydan keiin tóbeles bastalǵan. Prokýratýra jeti kúdiktiniń qamaýǵa alynǵanyn habarlaǵan.
Al 15 qazanda Ishki ister vitse-ministri 10 adam kúdikti dep tanylyp, qylmystyq is qozǵalǵanyn málimdedi.
