Shaibaly hokkeiden 2021 jylǵy álem chempionatynyń elitalyq divizionynda búgin, 23 mamyrda Qazaqstan quramasy Finliandiiamen kezdesedi, dep habarlaidy "Ult aqparat".
Atalǵan oiyn elorda ýaqytymen 19.05-te bastalyp, «Qazsport» telearnasynan tikelei efirde kórsetiledi.
Eske salsaq, qazaqstandyq hokkeishiler V tobynda Kanada, Finliandiia, AQSh, Germaniia, Norvegiia, Italiia jáne Latviia quramalarymen sheberlik baiqasady.
Eki qurama buǵan deiin atalǵan týrnirde tórt márte kezdesti. Onyń barlyǵynda finliandiialyqtar jeńiske jetti. Aita keterligi, olar álem chempionatynda 1995, 2011, 2019 jyldary jeńimpaz atandy.
Biylǵy týrnirde eki qurama da alǵashqy oiyndarynan basym tústi. Qazaqstan hokkeishileri Latviiany býlliten 3:2 esebimen jeńse, Finliandiia AQSh quramasyn 2:1 esebimen tize búktirdi.
