Halyqqa qyzmet kórsetý ortalyǵyna kezekti Telegram boty arqyly brondaýǵa bolady, – dep habarlaidy Azamattarǵa arnalǵan úkimet memlekettik korporatsiiasynyń baspasóz qyzmeti.
Qazaqstandyqtarǵa qolaily bolý úshin HQO-ǵa kezekti brondaý ádisi kóbeitildi. Qyzmet alýshylar HQO-ǵa kezekti egov.kz portalynda nemese 1414 bailanys ortalyǵynda, sondai-aq eGovKzBot2.0 Telegram botynyń kómegimen brondaidy.
«Ol úshin qyzmet alýshy mobildi azamattar bazasynda tirkelýi kerek jáne onyń uialy telefonyna telegram qosymshasy júktelgen bolsa bolǵany. Mobildi azamattar bazasyna egov.kz elektrondy úkimet portalyndaǵy virtýaldy assistenttiń kómegimen tirkelýge bolady. Sonymen, HQO-ǵa kezekti brondaý úshin paidalanýshy mázirden «HQO-ǵa kezekti brondaý» qyzmetin tańdaidy. Ary qarai júie memlekettik qyzmetterdi alýǵa yńǵaily aimaqty, HQO mekenjaiyn, barý maqsatyn, yńǵaily kúni men ýaqytty tańdaýdy usynady», delingen habarlamada.
Barlyq qadamdar jasalǵan soń qyzmet alýshynyń uialy telefonyna onyń JSN, tańdalǵan HQO mekenjaiy, kúni men ýaqyty kórsetilgen sms keledi. HQO-ǵa kelgen kezde osy SMS habarlamany kórsetý arqyly kezekti aldyn ala brondaǵanyńyzdy rastaisyz.
Aita keteiik, qazirgi tańda eGovKzBot2.0 Telegram boty arqyly 28 memlekettik qyzmet pen servis qoljetimdi. Olardyń ishinde keń qoldanysqa ie bolǵandary dárigerdi úige shaqyrý, aiyppuldy tekserý, meditsinalyq mekemelersinen anyqtama alý, zeinetaqy aýdarymdary týraly anyqtama jáne t.b.
Esterińizge sala keteiik, koronavirýs pandemiiasy jaǵdaiynda jáne azamattardyń bir jerge shoǵyrlanýyn boldyrmaý maqsatynda HQO-lar egov.kz portalynda qaǵaz túrindegi memlekettik qyzmetterdi tek aldyn ala brondaý boiynsha kórsetedi. Egov.kz portalynda onlain brondaý qyzmeti HQO-lar qyzmetine qaita kirise bastaǵan óńirlerde ǵana isteidi.
