Foto: Azamattarǵa arnalǵan úkimet
Halyqqa qyzmet kórsetý ortalyqtarynda elektrondy tsifrlyq qoltańbalar rásimdelmeidi. Bul týraly tsifrlyq damý, innovatsiialar jáne aeroǵarysh ónerkásibi vitse-ministri Rostislav Koniashkin málimdedi, dep habarlaidy Ult.kz Sputnik Qazaqstanǵa silteme jasap.
Búginde keibir adamdar HQKO-da tsifrlyq qoltańbalaryn qaldyryp ketedi. Ony basqa bireýler qoldanyp jatady. Sodan jeke derekter urlanady.
"Osyǵan bailanysty biz halyqqa qyzmet kórsetý ortalyqtarynda elektrondy tsifrlyq qoltańbalardy offlain alý qyzmetin birtindep jabýdy josparlap otyrmyz. Ony tek onlain formatta biometriialyq identifikatsiiamen alýǵa bolady", - dedi Koniashkin senattyń búgingi otyrysynda.
Al HQKO-larda jeke kýálikten bólek SMS-habarlamamen nemese biometriialyq identifikatsiiamen jeke basty rastaý mindeti engiziledi. Osylaisha, alaiaqtyq áreketterdi barynsha azaitý josparlanǵan.
