Petropavldaǵy 13-shi ýchaskelik politsiia pýnktiniń inspektory Stanislav Alifirenko byltyr Memleket basshysynyń aldynda barlyq ýchaskelik inspektorlardyń atynan pandemiia kezinde atqarylǵan jumys týraly baiandady, dep habarlaidy QazAqparat.
SQO Politsiia departamenti baspasóz qyzmetiniń málimetinshe, Petropavldaǵy 13-shi ýchaskelik politsiia pýnktiniń ýchaskelik inspektory Stanislav Alifirenko byltyr ótken «Biz birgemiz» onlain forýmyna qatysty. Memleket basshysynyń aldynda ýchaskelik politseiler atynan pandemiia kezinde atqarylǵan jumys týraly baiandady.
Politsiia aǵa leitenanty ýchaskelik inspektor laýazymynda 2 jyldan astam qyzmet etip keledi. Ákimshilik ýchaskede turǵyndar óz inspektorlaryn jaqsy tanidy jáne oǵan túrli máselemen kún-túni habarlasady. Kóp jaǵdaida adamdar tynyshtyqty buzǵandarǵa shaǵymdanady eken.
Stanislav Alifirenkonyń jumys kúni saǵat 8.30-dan bastalady. Eń aldymen eseptegi adamdardy tekseredi. Túzetý mekemelerinen bosap shyqqandardyń, shartty túrde bosatylǵandardyń jumys isteýi de ýchaskelik politsiia inspektorynyń nazarynda. Sondai-aq, esepte maskúnemder, nashaqorlar da bar.
Tártip saqshysy qyzmet kórsetetin ákimshilik ýchaskede 3,5 myńnan astam adam turady. Ýchaskelik inspektor turǵyndardyń basym kópshiligin jaqsy tanidy. Qylmys jasaǵandar politseilerdiń únemi erekshe baqylaýynda.
«Jumysta kóp ýaqyt ótkizemiz, aitarlyqtai qiyndyqtar joq, tek únemi jumysta bolý kerek. Ýchaskede tynysh bolý úshin jumys isteý qajet. Jaqsy nátijege qol jetkizý úshin barlyq jaǵdai jasalǵan», - deidi Stanislav Alifirenko.
Petropavl qalasynda 13 ýchaskelik politsiia pýnkti jumys isteidi. №13-inshi politsiia pýnkti 10 jyl buryn jańa yqshamaýdanda ashylǵan. Bunda qazir ýchaskelik 5 politsiia inspektory qyzmet etedi. Olardyń barlyǵy beinejetondarmen, planshettermen jaraqtandyrylǵan.
