Halyqaralyq sertifikattar tizimi IELTS INDICATOR jáne Duolingo English Test sertifikattarymen tolyqtyryldy, dep habarlaidy "Ult aqparat".
«2020 jyly magistratýra men doktorantýranyń bilim baǵdarlamalary boiynsha oqýǵa túsý úshin shet tilin meńgergenin rastaityn halyqaralyq sertifikattardyń tizimi IELTS INDICATOR (Ailts Indikator) jáne Duolingo English Test (Dýolingo Inglish Test) sertifikattarymen tolyqty. Atalǵan testiler arnaiy aqparattyq júie arqyly tek elektrondy formatta tapsyrylady» delingen QR BǴM baspasóz qyzmetiniń málimetinde.
Magistratýra úshin IELTS INDICATOR boiynsha shekti ball 6-dan kem emes, Duolingo English Test boiynsha – 95-ten kem emes. Doktorantýra úshin IELTS INDICATOR boiynsha shekti ball – 5,5-ten, al Duolingo English Test boiynsha – 85-ten kem emes.
«IELTS INDICATOR sertifikatynyń paidalaný merzimi 2 jyldy quraidy, al Duolingo English Test sertifikaty 1 jylǵa deiin jaramdy», - dep atalyp ótken vedomstvo habarlamasynda.
Aita ketken jón, shet tilin meńgergendigin rastaityn sertifikat tek doktorantýra úshin mindetti bolyp tabylady. Magistratýranyń bilim berý baǵdarlamalary boiynsha oqýǵa túsý úshin IELTS INDICATOR nemese Duolingo English Test halyqaralyq sertifikattaryn usynýǵa nemese keshendi testileý (KT) barysynda shet tilinen test tapsyrýǵa bolady.
