Astanadaǵy №282 referendým ýchaskesine Resei Federatsiiasy Ortalyq sailaý komissiiasynyń hatshysy Natalia Býdarina halyqaralyq baiqaýshy retinde baryp, daýys berý protsesimen tanysty.
Ol ýchaskedegi uiymdastyrý jumystary joǵary deńgeide ekenin atap ótti. Baiqaýshynyń aitýynsha, azamattardyń erkin ári obektivti túrde daýys berýi úshin barlyq jaǵdai jasalǵan.
Biz keshe de, búgin de birneshe ýchaskeni aralap shyqtyq. Barlyq jerde daýys berý protsesi zań talaptaryna sai uiymdastyrylǵan. Jalpy atmosfera óte jaqsy – keibir jerlerde mýzyka oinap, án aitylyp jatyr. Munyń bári búgingi kúnniń erekshe ári mańyzdy ekenin sezindiredi. Bul Qazaqstan úshin mańyzdy kún,– dedi Natalia Býdarina.
Halyqaralyq baiqaýshy ýchaskelerdegi atmosferanyń da erekshe ekenin aitty. Onyń sózinshe, keibir ýchaskelerde mýzyka qoiylyp, merekelik kóńil kúi baiqalady.
Taǵy bir erekshe atap ótkim keletini – kóptegen adamdardyń ýchaskelerge otbasymen, tipti kishkentai balalarymen birge kelip jatqany. Bul óte durys úrdis dep oilaimyn. Óitkeni osyndai mańyzdy qoǵamdyq-saiasi oqiǵalarǵa búkil otbasynyń qatysýy – bolashaq urpaq úshin de úlken úlgi, – dedi ol.
Sondai-aq Býdarina ýchaskelerde kóptegen baqylaýshy jumys istep jatqanyn atap ótti.
Taǵy bir atap ótetin jait – árbir ýchaskede kóptegen baqylaýshylar bar. Onyń ishinde halyqaralyq baqylaýshylar da kelip otyr. Búgingi oqiǵaǵa baqylaýshylardyń kóp qatysýy – ashyqtyq pen aiqyndyqtyń belgisi dep oilaimyn,-dedi ol.
