QR IIDM Azamattyq aviatsiia komiteti halyqaralyq baǵyttarǵa áýe biletterin satyp alý jóninde málimdeme jasady, dep habarlaidy "Ult aqparat".
«Áýe kompaniialary men deldaldardyń saittarynda halyqaralyq baǵyttarǵa bilet satylyp jatqanyna bailanysty, biletter birneshe ai buryn satylatyn álemdik tájiribeni eskere otyryp, halyqaralyq reisterge bilet satýdyń rettelmeitinin jáne shektelmeitinin habarlaimyz. Osyǵan bailanysty halyqaralyq baǵyttar boiynsha Qazaqstannan ushatyn nemese elge keletin áýe biletterin satý jáne satyp alý halyqaralyq reisterdiń qaita bastalǵanyn bildirmeidi jáne jolaýshyǵa tańdap alynǵan baǵyt pen reis kúni ushýǵa kepildik bermeidi», - delingen málimdemede.
Komitettiń habarlaýynsha, halyqaralyq baǵyttar boiynsha turaqty jolaýshylar reisterin qaita bastaý epidemiologiialyq jaǵdaiǵa, Qazaqstan men shet elderdiń memlekettik shekarasynan ótý shekteýlerine jáne memleketterdiń vizalyq talaptaryna tikelei bailanysty.
Halyqaralyq áýe qatynastaryn qaita bastaý týraly sheshimdi QR aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiia QR Densaýlyq saqtaý ministrliginiń usynymdaryn eskere otyryp qabylaidy.
