Mańǵystaýdaǵy jaǵalaýdan 35 itbalyqtyń óleksesi tabyldy Mańǵystaýdaǵy jaǵalaýdan 35 itbalyqtyń óleksesi tabyldy Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur
Ekonomika jáne biznes

Halyqaralyq áýe qatynasy: 2026 jylǵy jańa baǵyttar jariialandy

Ult portaly
Halyqaralyq áýe qatynasy: 2026 jylǵy jańa baǵyttar jariialandy

Foto: ashyq derekkóz

2026 jyly Qazaqstan halyqaralyq marshrýttyq jelini kezeń-kezeńimen keńeitýdi jalǵastyrady. Aldaǵy ýaqytta Aziia, Taiaý Shyǵys jáne Eýropa baǵytynda birqatar jańa reister ashylyp, qoldanystaǵy baǵyttar jańǵyrtylmaq, dep habarlaidy Ult.kz.

Ushý geografiiasyn keńeitý otandyq áýe kompaniialary men sheteldik tasymaldaýshylar esebinen júzege asyrylady.

SCAT jańa baǵyttardy iske qosady

SCAT áýekompaniiasy Shymkent qalasynan birneshe halyqaralyq reisti bastaidy:

  • Bishkek (Qyrǵyzstan) – 29 naýryzdan;

  • Novosibir (Resei) – 19 mamyrdan;

  • Sankt-Peterbýrg (Resei) – 1 maýsymnan;

  • Tel-Aviv (Izrail) – 9 maýsymnan.

Air Astana halyqaralyq jelini keńeitedi

Air Astana kelesi baǵyttardy ashady:

  • Almaty – Shanhai (Qytai) – 29 naýryzdan;

  • Astana – Gýanchjoý (Qytai) – 2 maýsymnan;

  • Almaty – Larnaka (Kipr) – 2 maýsym men 5 qyrkúiek aralyǵynda (maýsymdyq);

  • Astana – Larnaka (Kipr) – 4 maýsym men 6 qyrkúiek aralyǵynda (maýsymdyq);

  • Almaty – Dalaman (Túrkiia) – kóktemgi-jazǵy navigatsiia kezeńinde;

  • Almaty – Salala (Iordaniia) – 9 naýryzdan;

  • Astana – Salala (Iordaniia) – 9 naýryzdan.

Sonymen qatar, 2026 jyly Almaty – Tokio (Japoniia) baǵytyn ashý múmkindigi qarastyrylyp jatyr.

FlyArystan jańa reisterdi usynady

FlyArystan áýekompaniiasy:

  • Almaty – Samarqand (Ózbekstan) – 17 naýryzdan;

  • Almaty – Sian (Qytai) – maýsym aiynda (slottardy kelisý kútilýde);

  • Aqtaý – Úrimshi (Qytai) – maýsym aiynda iske qosýdy josparlap otyr.

Sondai-aq Almaty – Er-Riiad (Saýd Arabiiasy) baǵytyn ashý josparda bar.

Sheteldik áýekompaniialar da jańa reister ashady

  • LOT Polish Airlines 31 mamyrdan bastap Almaty – Varshava baǵytyn iske qosady;

  • Air Arabia Dammam Almaty – Dammam (Saýd Arabiiasy) reisin ashýdy josparlap otyr;

  • Royal Jordanian Almaty – Amman (Iordaniia) baǵytyn oryndaý múmkindigin qarastyrýda.

Jańa marshrýttar saýda-ekonomikalyq, týristik jáne mádeni bailanystardy nyǵaityp, Qazaqstannyń jahandyq kólik júiesine yqpaldasýyna yqpal etedi dep kútilýde.

Marshrýttyq jelini keńeitý – kólik qatynasyn arttyrýǵa jáne Qazaqstannyń óńirlik aviatsiialyq hab retindegi pozitsiiasyn kúsheitýge baǵyttalǵan azamattyq aviatsiia salasyn damytýdyń strategiialyq mindetteriniń biri.

Oqi otyryńyz