QR Ulttyq statistika biýrosynyń Nur-Sultan qalasy boiynsha departamentiniń basshysy Jorabek Dáýrenov halyq sanaǵyn júrgizetin qyzmetkerler vaktsina alýy kerek pe degen suraqqa jaýap berdi, dep habarlaidy QazAqparat.
«Sanaq qyzmetkerleri bolady, Nur-Sultan qalasynda birinshi kezeńge 324 qyzmetker alyndy. Onyń bári tolyǵymen oqýdan ótip, jumysyn bastap ketti. Ekpe alý máselesine kelsek, árine, qyzmetkerler halyqpen tikelei aralasatyn bolǵandyqtan ondai talap bar. Bul tek qana bizdiń sanaqqa qatysty emes, halqymyz jalpy indetten qutylý úshin óz erkimen ekpe alýy qajet dep oilaimyz», - dep jaýap berdi J. Dáýrenov elorda ákimdiginde ótken baspasóz máslihatynda.
Aita keteiik, biylǵy halyq sanaǵy dástúrli jáne onlain formatta ótedi.
1 qyrkúiek pen 15 qazan aralyǵynda onlain rejimde ózdiginen saýalnama paraqtaryn toltyrý múmkindigi bolady.
Júie táýligine 24 saǵat qoljetimdi bolady, respondentter sanaqqa qatysý úshin ózine yńǵaily ýaqytty tańdai alady.
Odan basqa, «Egov» platformasynda elektrondyq tsifrlyq qoltańba arqyly jáne «Aitu» mobildi qosymshasy arqyly sanaqtan ótýge bolady.
