Halyq múmkindigi shekteýli taksi júrgizýshisine aqsha jinap, sý jańa kólikti syiǵa tartty. Bul týraly jýrnalist Maqsat Tolyqbai óz paraqshasynda jazdy, dep habarlaidy "Ult aqparat".
«Súiinshi! Alty alashtyń atynan Aqarysqa temir tulpar mingizdik. Múgedektigine mehanika mashaqat bolǵan taksishiniń avtomat alsam degen armanyn oryndadyq. Kia k5 markaly mashina klientke de, taksige de qolaily. Koreiadan kelgen kúii osy. Aqarys - Qazaqstandaǵy birinshi qojaiyny. Qutty bolsyn, igiligińizge minińiz.
Aita keteiin, osydan birneshe kún buryn Iandeks taksige otyrdym. Qarasam, júrgizýshiniń oń qoly joq. Rasynda "mehanika yńǵaisyz, korobka avtomat alý kerek qoi" dedim. "Oǵan jaǵdai qaida, armanym da sol" deidi. Qolym joq demei, kúndiz-túni jolaýshy tasyp, bala-shaǵasyn asyrap, adal nápaqa taýyp júrgen azamat. "Aqarysqa korobka avtomat kólik syilap qýantsaq qaitedi" dep usynys tastaǵan edim, instagramdaǵy aǵaiyn qoldai ketti. Sol úshin qara ormandai qalyń qoldaýshy oqyrmanǵa myń alǵys!» delingen jazbada.
Aqarys atty azamat Shymkenttegi zaýyttardyń birinde jumys istep júrgende bir qolynan aiyrylǵan. Keiin otbasyn asyraý úshin taksi júrgize bastaǵan. Sonymen qatar, er adam qaterli isikpen aýyrady.
