Almatydaǵy ákimdik ǵimaratynan kúshtep shyǵarylǵan "Habar 24" jýrnalisiniń oqiǵasynan keiin Kúzet agenttigi litsenziiasynan aiyryldy, - dep habarlaidy "Ult aqparat".
Almaty politsiiasynyń baspasóz qyzmeti Alataý aýdany ákimdigin kúzetýmen ainalysatyn kásiporyn kúzet qyzmeti litsenziiasynan aiyrylǵany týraly aqparatty rastady.
"Mekeme basshysyn politsiiaǵa shaqyryp, qyzmetti jalǵastyrmaýy úshin lizentsiiasy alyndy", - dep túsindirdi Politsiia departamentindegiler.
Aita keteiik, "Habar 24" jýrnalisi Almatyda ákimdik ǵimaratynan kúshtep shyǵarylǵany habarlanǵan bolatyn. Oqiǵanyń videosyn tilshi Facebook-paraqshasynda jariialady. Bul jaǵdai búkil BAQ ókilderi men el nazaryn aýdartty. Keiinirek Almaty qalasy Alataý aýdany ákimdigi jaǵdaiǵa túsinik berdi.
Sondai-aq, bul oqiǵaǵa bailanysty Aqparat jáne qoǵamdyq damý ministri Aida Balaeva da óz oiyn bildirdi. Ministrdiń málimdeýinshe, jýrnalisterdiń quqyǵyn buzýǵa, olardyń resmi jumysyna kedergi keltirip, kúsh kórsetýge eshqashan jol berilmeýi kerek.
Keiin osy fakti boiynsha Alataý ákimdiginde komissiia quryldy, qyzmettik tergeý bastaldy.
