QR Premer-Ministriniń orynbasary Eraly Toǵjanovtyń tóraǵalyǵymen memlekettik organdardyń táýekelderdi taldaý men boljamdyq qyzmetin kúsheitý máseleleri boiynsha keńes ótti, dep habarlaidy "Ult aqparat".
Keńes jumysyna ortalyq memlekettik organdar men Nur-Sultan, Almaty, Shymkent qalalarynyń jáne oblystardyń ákimdikteri qatysty.
Kún tártibinde memlekettik organdar men ákimdikterdiń halyqty alańdatatyn suraqtardy aldyn ala boljap, olardy sheshý boiynsha naqty algoritmderdi ázirleý máseleleri talqylandy.
"Kez-kelgen másele ýaqytynda sheshilmese, halyqtyń narazylyǵyn týdyrýy múmkin. Sondyqtan memlekettik organdar táýekelderdi únemi taldap, olardy sheshýge árdaiym daiyn bolýy kerek", - dep atap ótti vitse-premer.
Keńes aiasynda memlekettik organdardyń jalaqy boiynsha qaryzdary, kommýnaldyq tarifter, áleýmettik mańyzy bar taýarlar men ónimderdiń baǵasyn retteý, elektr energiiasyn óndirý, kómir jetkizý, JJM-men qamtamasyz etý, qoqys poligondary jáne t. b. máselelerdi sheshý jónindegi esepteri tyńdaldy.
Keńes barysynda oqý-aǵartý ministrligine jáne ákimdikterge pedagogterge jalaqyny ýaqytyly tóleýdi qamtamasyz etý, aýyl sharýashylyǵy ministrligine áleýmettik mańyzy bar azyq-túlik ónimderi baǵasynyń negizsiz ósýine jol bermeý úshin óndiris pen tutyný teńgeriminiń naqty boljamyn ázirleý tapsyryldy.
Toǵjanov balalardy jańa oqý jylyna daiyndaý maýsymy jaqyndaǵanyn jáne bul halyq shyǵyndarynyń ulǵaiýyna áser etýi múmkin ekenin atap ótti. Sondyqtan baǵany turaqtandyrý úshin qoldanystaǵy naryqtyq quraldardyń múmkindikterin barynsha paidalaný qajet.
Keńes qorytyndysy boiynsha barlyq memlekettik organdar men óńirler ákimdikteriniń aldyna kelesidei mindetter qoiyldy:
- jalaqy boiynsha bereshektiń paida bolýyna jol bermeý;
- barlyq yqtimal táýekelderdi turaqty negizde taldaý jáne salanyń problemalyq máselelerin sheshý boiynsha qadamdyq is-qimyldar algoritmin ázirleý;
- problemalyq máseleler bolǵan jaǵdaida olardyń sheshimin airyqsha baqylaýǵa alý;
- memlekettik organdardyń aqparattyq, túsindirý jumystaryn kúsheitý, áleýmettik jelilerdegi alańdardy belsendi túrde júrgizý, sondai-aq halyqtyń suraqtaryna ýaqytyly jaýap berý.
