Batys Qazaqstan oblysynyń ákimi Ǵali Esqaliev BAQ ókilderimen jáne turǵyndarmen qalai bailanys ornatqanyn aityp berdi, dep habarlaidy "Ult aqparat".
«Jalpy oblys ákimdigi ashyq dep oilaimyn. Saitymyzda, barlyq áleýmettik jelide ákim jumysy boiynsha turaqty aqparat berilip turady. Ózim BAQ ókilderimen jii kezdespesem de, olardy barlyq issaparymyzǵa, úlken jinalystarǵa qatystyramyz. Sondyqtan eshqandai jaqsyryn aqparat joq dep oilaimyn. Ashyq ekenimizdi kórsetý úshin men jumysqa kiriskende birden WhatsApp nómirimdi (+7 701 777 6037) jariialadym. Kez kelgen BAQ ókili meniń nómirimdi biledi, suraǵy bolsa, soǵan jazady. Men mindetti túrde habarlamany 2-3 kúnde ózim ashyp qarap, bárine jaýap berip otyramyn», - dedi Ǵali Esqaliev Ortalyq kommýnikatsiialar qyzmetinde ótken baspasóz máslihatynda.
Sonymen birge, ákim áleýmettik jelide qanshalyqty belsendi ekenin aitty.
«Shyny kerek, Instagram-da men joqpyn. Akkaýnt ashyp qoisam da, belsendi bola almai jatyrmyn. Kóbinese, Facebook arqyly halyqqa óz oiymdy nemese jumysymdy jetkizip otyramyn. Jalpy, BQO ákimdiginiń resmi saity arqyly qajetti aqparatty berip otyramyz. Turǵyndar óz suraq-usynysyn Facebook nemese WhatsApp nómirime tikelei jazyp otyrady», - deidi ǴEsqaliev.
