"Ózin Kenesary hannyń urpaǵymyn dep ataǵan aqtóbelik turǵyn Radýl Sidahmetov Qazaqstan men Resei prezidentteri Nursultan Nazarbaev pen Vladimir Pýtinge qazaqtyń sońǵy hanynyń basyn óz jerinde jerleýdi surap, hat daiyndap jatyr. Bul týraly "Aqtóbe-Taims" gazeti jazady", - dep habarlaidy kaz.tengrinews.kz.
"Men Kenesary hannyń urpaǵymyn, nemeresimin. Toǵyz jasymda meniń atam ájemniń Kenesary hannyń nemeresi ekenin aitqan bolatyn. Iaǵni men Naǵima Jumaqulvanyń nemeresimin, ol qazaqtyń uly hanynyń shóberesi. 1949 jyly Kenesary esimin ataýdyń ózi saiasi qaýipti bolatyn. Hannyń qany meniń boiymda ekenin dáleldeitin eshqandai da qujat dálelderim joq", - deidi Sidahmetov.
"Kenesary qazaqtardyń birigýi jolynda kúresken jáne Reseidiń patsha saiasatyna qarsy shyqqan adam. 1847 jyly satqyndar handy óltirip, onyń basyn Resei imperiiasynyń patshasyna baǵynatynyn bildiretin belgisi retinde bergen. Olar - Uly júzdiń qazaqtary jáne olarmen kórshiles qyrǵyzdar. Men Resei prezidentine Kenesary hannyń basyn Qazaqstanǵa berip, onyń shóberesi Jumaqulova Naǵimanyń jatqan jeriniń mańyna kómilýine qolǵabys etýin suraimyn, Naǵyma meniń ákem Jumaqulova meniń ákemniń anasy, meniń ájem", - dedi suhbattasýshy.
"Aqtóbe-Taims" gazetiniń málimetinshe, Radýl Sidahmetov 84 jasta. 1968 jyly ol Máskeý aviatsiia institýtyn támamdaǵan. N.E.Jýkov atyndaǵy Aviatsiialyq memlekettik institýtta jumys istegen. 76 jasynda zeinetke shyqqan. Bir jyl búryn Reseiden Qazaqstanǵa kóship kelipti. "Satira Aviagradskaia" kitabynyń avtory.
Aita keteiik, orta júzdiń hany Kenesary Qasymovtyń múrdesin ǵalymdardyń izdestirip jatqanyna kóp jyl ótti. Keibir málimetter boiynsha, Kenesarynyń basy Ermitaj Kýnstkamerasynyń arhivinde eken. Alaida eshqashan kórsetilmeti. Taǵy bir málimetter boiynsha, onyń basyn Reseidiń Memlekettik kúzetiniń qorynan izdeý kerek. "Alash" rýhani damý institýtynyń direktory Sultanhan Aqqululynyń pikirinshe, 1917 jyldaǵy kóterlisten 1930-jyldarǵa deiin han Keneniń basy Omby territoriiasynan shyǵarylmaǵan.
Al birneshe jyl buryn Qazaqstanda "Kenesary handy qaitaramyz!" qozǵalysy paida bolǵan edi.
