QR Aqparat jáne qoǵamdyq damý vitse-ministri Kemelbek Oishybaev memlekettik BAQ-ty damytý is-sharalaryn atady, dep habarlaidy QazAqparat.
«Eger naqty is-sharalarǵa toqtalar bolsaq, onda memlekettik BAQ-tyń internettegi – áleýmettik jeliler, videohostingter jáne messendjerlerdegi jumysyn belsendi túrde keńeitý júrgizilip jatyr. Qazaqstan memlekettik telekoroporatsiiasy men Habar internet aýditoriia úshin jobalaryn beiimdeýde qarqyndy jumys isteýde. Internetke ǵana beiimdelgen biregei kontentter óndirilýde», - dedi ol «Astana Media Week – 2021» media aptalyǵy aiasyndaǵy «Mediany damytý strategiiasy» atty dóńgelek ústel barysynda.
Vitse-ministrdiń atap ótýinshe, bul baǵytta jetistikter de bar. Máselen, Habar telearnasynyń YouTube arnasynda 6,5 mln biregei paidalanýshy tirkelgen.
«Serialdardy internetten kórý daǵdysy artyp kele jatyr. Aitalyq, «Kelinjan» serialy kórsetilimniń alǵashqy kúninde-aq million kórilim jinady. Qazaqstan teleradiokorporatsiiasy jobalarynyń YouTube-degi kórilimi 6 aida 300 mln-ǵa jetti», - dedi Kemelbek Oishybaev.
