Álem turǵyndaryn jappai vaktsinatsiialaý naýqany kelesi jyldyń ortasynda bastalýy múmkin. Muny Dúniejúzilik densaýlyq saqtaý uiymy bas direktorynyń orynbasary Sýmiia Svaminatan málimdedi, - dep habarlaidy Qazaqstan ulttyq arnasy.
Óitkeni, koronovirýs pandemiiasy jedeldemese, baiaýlamai otyr. Sońǵy segiz kúnniń ózinde Covid-19 infektsiiasyn taǵy 2 milliondai adam juqtyryp, planetada infektsiialanǵandardyń jalpy sany 15 millionnan asty.
Tailandta koronavirýs juqtyrǵandar kóp bolmasa da, sáýirde jariialanǵan tótenshe jaǵdai rejimi tamyzdyń sońyna deiin uzartyldy. Osy týraly qaýlyǵa sáikes, úkimet basshysy úiden shyǵýǵa, kóp bolyp jinalýǵa, qoǵamdyq kólikti qoldanýǵa tyiym sala alady.Sońǵy eki aida bul koroldikte jergilikti turǵyndardan infektsiiasyn juqtyrý deregi baiqalmaǵan. Dese de, jyl basynan beri Tailandta koronavirýs 3 myńnan astam adamnan tabylyp, 58-i qaitys boldy.
Avstraliia pandemiia bastalǵaly eń aýyr kúndi bastan keshirip jatyr. Munda ótken táýlikte qaýipti aýrýǵa 502 adam shaldyqqan. Aita ketsek, bul memlekette jaqynda epidemiia qaita órship, Viktoriia shtatynda 5 millionǵa jýyq adam karantinge jabylǵan edi.
Reseide indet juqtyrǵandar sany 790 myńǵa jýyqtady. Pandemiia kesirinen 10 millionnan astam jumysynan aiyryldy, al turǵyndar suraý nátijesinde ekinshi tolqynǵa daiyndalyp jatqanyn aitady.
15 shildeden bastap Resei jasap, synaq júrgizgen vaktsina emhanalarǵa taratyla bastady. Bul oraida jergilikti ǵalymdardyń pikiri ekige jaryldy: biri vaktsinanyń virýsqa qarsy immýnitet qalyptastyrýǵa kúshi jetedi dese, endi biri sapaly ekpe jasaýǵa bes jyl kerek ekenin aitady. Aita ketsek, Qurama Shtattarda koronavirýsty 3 jarym millionnan astam adam juqtyryp, 142 myńǵa jýyǵy qaitys boldy. Pandemiiadan eń qatty zardap shegip otyrǵan bestikke Braziliia, Úndistan, Resei, Ońtústik Afrika da kiredi.
Zertteýlerge qaraǵanda, planetada jańa infektsiianyń taraý qarqyny kúshti. Alǵashqy kezde ony juqtyrǵandar sany 2 millionǵa bir jarym aida jetse, qazir osynsha adamnan aýrý 8 kúnde anyqtalatyn boldy.
