Isten shyqqan kólik quraldaryn joiýǵa qabyldaý 2022 jyldyń 5 qańtarynda qaita bastalady. QR Indýstriia jáne infraqurylymdyq damý ministrligi men QR Ekologiia, geologiia jáne tabiǵi resýrstar ministrligi tozyǵy jetken 70 myń eski kólikti (jeńil jáne júk tehnikasyn) qabyldaýǵa kvota bóldi, dep habarlaidy QazAqparat.
Endi 5 qańtardan bastap kólik qabyldaýdyń elektrondy kezegi ashylyp, óńirlerdegi 18 beket óz jumysyn bastaidy.
2022 jyly ailyq eseptik kórsetkish mólsheriniń ózgerýine bailanysty, kólik quralynyń sanaty men jiyntyǵyna bailanysty 165 402 teńgeden bastap 606 474 teńgege deiingi aralyqta bolady.
Kólik sanaty | Ailyq eseptik kórsetkish (AEK) | Beriletin ótemaqy (teńge) |
M1 | 72 | 220536 |
M1 (2) | 54 | 165402 |
M2, N2, N1 | 144 | 441072 |
M2, N2, N1 (2) | 126 | 385938 |
M3, N3 | 216 | 661608 |
M3, N3 (2) | 198 | 606474 |
Biyl qazaqstandyqtar eski kólik tapsyrýdan rekordtyq nátije kórsetti. 2021 jyly qazaqstandyqtar 50 005 kólikti joiýǵa tapsyrdy.
Onyń 37 495 jeńil kólik, 4040 jolaýshy jáne 8 470 júk kóligi. Isten shyqqan mashinasyn joiýǵa tapsyrǵandarǵa 13,833 mlrd teńge qarajat tólendi.
Aimaqtar boiynsha kólik tapsyrýdyń aldynda Shymkent qalasy tur. Atalǵan qala turǵyndary 12 068 kólik ótkizgen.
Ekinshi orynda 5175 tapsyrǵan Almaty qalasy jáne úshinshi orynda 4788 tehnika ótkizgen Taraz qalasy tur.
Úzdik tórttikti 3239 birlik mashina tapsyrǵan Qaraǵandy qalasy jaiǵasqan.
Isten shyqqan kólik quraldaryn tapsyrýdy yntalandyrý baǵdarlamasy bastalǵannan beri qabyldaý beketteri 214 932 kólik quralyn kádege jaratýǵa qabyldady.
Onyń ishinde 194 163 jeńil avtokólik, 14 590 birlik júk tehnikasy jáne 6 179 birlik aýyr salmaqtyǵy mashina.
Qabyldanǵan tehnikanyń barlyǵy Qaraǵandy zaýytyna kádege jaratýǵa jiberiledi.
Qabyldaý beketteriniń meken-jailary jáne elektrondy kezekke turý recycle.kz saitynda «Qalyqtardy basqarý», onyń ishinde «Eski kólikterdi qabyldaý» bóliminde ornalastyrylǵan.
