2021 jyldyń 27 qyrkúieginde Almaty oblysynyń Tamǵaly Tas shatqalynda ornalasqan «Jartasty qala-Astana» oqý-jattyǵý poligonynda «Qazqutqarý-2021» qutqarý kópsaiysy jáne áskeri-qutqarý úshsaiysy boiynsha jarystardyń qatysýshylaryn marapattaý rásimi ótti, dep habarlaidy QR TJM baspasóz qyzmeti.
Jarystarǵa Respýblikalyq jedel-qutqarý jasaǵy men Batys Qazaqstan oblysynyń jedel-qutqarý jasaǵynynyń qutqarýshylary, Qazaqstan Respýblikasy TJM 28237, 52859, 68303 áskeri bóliminiń áskeri qyzmetkerleri jáne Ózbekstan jáne Qyrǵyzstan TJM qutqarýshylary qatysty.
Qutqarýshylar «Qazqutqarý-2021» qutqarý kópsaiysy aiasynda «Tehnogendik apattar jaǵdaiynda izdeý-qutqarý jumystary», «Akvatoriialardaǵy izdeý-qutqarý jumystary» jáne «Tabiǵi ortadaǵy izdeý-qutqarý jumystary» qashyqtyqtardan ótti.
Jarystardyń qorytyndysy boiynsha jalpykomandalyq oryndar tómendegidei bólindi:
Ózbekstan Respýblikasy Tótenshe jaǵdailar ministrliginiń qutqarýshylar komandasy úshinshi oryndy ielendi.
Batys Qazaqstan oblysy Tótenshe jaǵdailar departamenti Jedel-qutqarý jasaǵynyń qutqarýshylar komandasy ekinshi orynǵa ie boldy.
Respýblikalyq jedel-qutqarý jasaǵynyń qutqarýshylar komandasy birinshi oryndy jeńip aldy.
Áskeri-qutqarý úshsaiys jarystarynyń nátijesi boiynsha 52859 áskeri bóliminiń komandasy úshinshi oryndy, 28237 áskeri bóliminiń ofitserler komandasy ekinshi oryndy, 28237 áskeri bóliminiń kontrakt boiynsha qyzmet atqaratyn áskeri qyzmetshiler komandasy birinshi oryndy ielendi.
Barlyq komandalar diplomdarmen, kýboktarmen jáne baǵaly syilyqtarmen marapattaldy.
Jarystarda qutqarýshylar avariialyq-qutqarý jumystaryn júrgizý kezinde uiymshyldyqty, joǵary kásibilikti, sondai-aq jeńiske degen erik-jigerdi kórsetti.
