2022 jyldan bastap «Qazgidromet» RMK tasqyndy boljaý qyzmetin qalpyna keltiredi, dep habarlaidy QazAqparat mekemeniń baspasóz qyzmetine silteme jasap.
Qazaqstannyń ulttyq gidrometeorologiialyq qyzmetiniń Ǵylymi-zertteý ortalyǵynda, Sel protsesterin zertteý jáne sel boljamy basqarmasy qurylady, ol jaýyn-shashyn men uzaq jańbyrdyń saldarynan paida bolatyn tasqyn qaýpiniń aldyn alý úshin uiymdastyrylady.
«Bul bólimshe mamandarynyń negizgi mindeti — halyqtyń qaýipsizdigine jaýap beretin memlekettik basqarý organdaryna, uiymdarǵa qyzmet kórsetý, sondai-aq Almaty, Jambyl, Túrkistan, Mańǵystaý, Shyǵys Qazaqstan oblystarynyń jáne Almaty qalasynyń taýly aýmaqtarynda, sel qaýpi týraly halyqty jáne BAQ-ty habardar etý», delingen habarlamada.
Sel qaýpi týraly Qazgidromet sel qaýpi bar kezeńde (mamyrdan qyrkúiekke deiin) konsýltatsiia, qysqa merzimdi boljamdar jasap, sel qaýpi týraly eskertý jariialaidy.
Barlyq aqparat Qazgidromet saitynda beriledi, memlekettik organdarǵa, BAQ-qa usynylady jáne áleýmettik jelide jariialanady.
