Mamyrdyń 21 kúni Qazaqstan aýmaǵynda aýa raiy qubylmaly bolady. Kóp jerlerde jaýyn jaýyp, kei jerlerde tipti nóserletedi.
Respýblikanyń birqatar aýmaǵynda naizaǵai oinap, jel kúsheiedi, burshaq jaýyp, ońtústik-batysta shańdy daýyl soǵady, dep habarlaidy "Ult aqparat" «Qazgidromet» RMK-nyń málimetterine súiene otyryp.
Shyǵys Qazaqstan oblysynyń kei jerlerinde jel kúsheiip, jyldamdyǵy sekýndyna 15-20 metrge jetedi. Túnde jáne tań ata kei jerlerde tuman túsip, birqatar aýmaqtarda burshaq jaýýy da yqtimal.
Soltústik Qazaqstan oblysynyń kei jerlerinde kúshti jel turyp, burshaq jaýýy yqtimal, túnde birqatar óńirde jeldiń kúshi sekýndyna 15-20 metrge jetedi, kúndiz de solai, ekpini 23 metrge deiin barady.
Qostanai, kúndiz Jambyl oblysynyń kei jerlerinde jel kúsheiip, burshaq jaýady.
Aqmola, Pavlodar oblystarynyń kei aýmaqtarynda jel kúsheiip, jyldamdyǵy sekýndyna 15-20 metrge jetedi, burshaq jaýýy da yqtimal.
Qaraǵandy, Atyraý, kúndiz Aqtóbe, Mańǵystaý, Qyzylorda oblystarynda jeldiń kúshi sekýndyna 15-20 metrge jetedi. Mańǵystaý oblysynyń kei jerlerinde shańdy daýyl turady.
Shyǵys Qazaqstan oblysy men ońtústikte órt qaýpi saqtalady.
