Almaty oblysyndaǵy «Almaty-Jarkent» aqyly jolymen ary-beri júrip ótý - 15 myń teńge. Júk kóliginiń júrgizýshileri áleýmettik jelige osyndai video júktedi. Oǵan «QazAvtoJol» kompaniiasynyń ókilderi jaýap berdi, dep habarlaidy "Ult aqparat".
«Jarkentke baryp-qaitý - 15 myń teńge. Erteń jaiaý júretin shyǵarmyz. Júk kóligimen ary 300 beri 300 shaqyrym júrý úshin 15 myń teńge tóleý kerek. Endi ne istemek kerek?» – dedi júk kóliginiń júrgizýshisi. Jeli qoldanýshylar bul videohabarlamanyń astyna túrli narazy pikir jazǵan.
«QazAvtoJol» UK AQ baspasóz qyzmetinde bul jaǵdai 3 shildede tirkelgenin rastady.
«Júrgizýshi Almaty-Qorǵas aqyly jolyna Baiserke mańynan 300 teńge tólep kirgen. 4 shilde kúni júk kóligi Almatydan Jarkentke deiin júrip ótken. Bir baǵyttaǵy somasy 7 350 teńge. 5 shildede Jarkentten Almaty qalasyna kelgen. Somasy – 7 350 teńge. 15 tonnadan artyq júk artatyn kólikke barlyǵy 15 myń teńge shyqqan», dep vedomstvo ókilderi jaýap berdi.
