Foto: Alash.kz
Qazaqstannyń mádeni biregeiligin álemge tanytatyn mańyzdy qadam retinde qazaqtyń dástúrli oiý-órnegi resmi túrde ISESKO Islam álemi muralary tizimine endi. Bul sheshim 11 aqpanda ótken ISESKO Islam álemi muralary komitetiniń 13-sessiiasynda qabyldandy, dep habarlaidy Ult.kz.
Memlekettik keńesshi Erlan Qarinniń pikirinshe, oiý-órnek – ulttyq mádenietimizdiń negizgi etnomádeni kody, tarihi sabaqtastyǵymyz ben biregeiligimizdi nyǵaitýǵa yqpal etetin mańyzdy element. Onyń ISESKO tizimine enýi Qazaqstannyń materialdyq emes mádeni murasyn halyqaralyq deńgeide ilgeriletýdegi úlken jetistik bolyp sanalady.
"Oiý-órnektiń ISESKO-nyń bedeldi tizimine enýi – Qazaqstannyń materialdyq emes mádeni murasyn halyqaralyq deńgeide ilgeriletýdegi mańyzdy qadam.
Buǵan deiin, iaǵni 2023 jyly ISESKO tizimine túrki órkenietiniń basty nyshandarynyń birine ainalǵan dástúrli «Toǵyzqumalaq» oiyny qosylǵan bolatyn.
Prezidenttiń Ulttyq quryltai otyrystarynda bergen tapsyrmalaryna sáikes, Qazaqstannyń mádeni mura nysandaryn IýNESKO jáne ISESKO tizimderine engizý jumysy jalǵasatyn bolady", - dep jazdy Erlan Qarin.
