Joba Jetisý, Qaraǵandy jáne Ulytaý oblystarynda qarqyndy túrde júzege asyrylýda. «Tazartý» jobasy aiasynda jappai kóshirý ártúrli ádistermen, sonyń ishinde daýystyq shliýzderdi paidalaný jáne jańa optikalyq jelilerdi salý arqyly iske asyrylady.
Jyl sońyna deiin telekommýnikatsiia operatory 70 000-nan astam klientti mystan talshyqqa aýystyrýdy kózdep otyr. Biyl qalalar ǵana emes, aýdan ortalyqtary men aýyldyq eldi mekenderde de optikaǵa kóshirý belsene qolǵa alynýda. Nátijesinde Atyraý oblysyndaǵy Almaly jáne Batys Qazaqstan oblysyndaǵy Tasqala siiaqty birneshe aýyl «tsifrlyq» atandy.
«Qyzmet kórsetý jaǵynan optikalyq tehnologiia arzanyraq, ári paidalaný barysynda senimdi qosylý qamtamasyz etedi, ári jyldamdyǵy joǵary internetpen qatar, kez kelgen tsifrlyq servis pen qyzmetterdi qosýǵa múmkindik beredi. Budan basqa, «optikaǵa» kóshý klientter úshin tolyǵymen tegin, klientke yńǵaily ýaqytta júrgiziledi», - dep habarlaidy «Qazaqtelekom» AQ «Jeli» diviziony» birlestiginiń paidalaný jónindegi direktory Ǵazinur Raiymhanov
Qazaqtelekom jelilik infraqurylymdy damytyp, jańǵyrta otyryp, aýyldar men aýdan ortalyqtaryn tsifrlandyrýǵa baǵyttalǵan jumystaryn qarqyndy júrgizýde. «Tazartý» baǵdarlamasynyń negizgi maqsaty – Internet sapasyn arttyryp, elimizdiń barlyq azamattaryn zamanaýi tsifrlyq qyzmettermen qamtamasyz etý. Jobany iske asyrý barysynda telekom-operator 137 myń shaqyrymnan astam mys jelisin aýystyrýǵa nietti.
