«Qazaqtelekom» AQ basqarma basshysy Qýanyshbek Esekeev 5G joǵary jyldamdyqty internetti engizý protsesine qatysty túsinik berdi, dep habarlaidy "Ult aqparat".
«Qazirgi kezde elimizde smartfondarda paidalanylyp júrgen 4G tehnologiiasy keńinen taraǵan. Endi 5G iske qosylatyn jiilik spektory boiynsha jumystar atqarylýda. Nur-Sultan, Almaty jáne Shymkentte testilik aýmaqtardy qoidyq. Testileý nátijesi internettiń jaqsy nátijesin kórsetti», - dedi Q. Esekeev Ortalyq kommýnikatsiialar qyzmetinde.
Osy oraida ol jańa tehnologiiany damytýda bailanys operatorlary óziniń qarjysyn salatynyn jetkizdi.
«Operatorlar 5G engizýge qarjy salady. QR Tsifrlyq damý, innovatsiialar jáne aeroǵarysh ónerkásibi ministrliginde osy taqyrypqa qatysty talqylaýlar júrgizilýde», - dedi kompaniia basshysy.
Onyń sózine qaraǵanda, bul turǵyda 5G jelisin birneshe operatordyń birlesip paidalanýy týraly usynystar aityldy.
