Foto: astanatimes.com
Atom ónerkásibi salasynda injenerlik mamandyqty 921 stýdent oqyp jatyr, olardyń 96%-i memlekettik granttar negizinde oqidy, dep habarlaidy Ult.kz, Sputnik.kzke silteme jasap.
Bul týraly ortalyq kommýnikatsiialar qyzmetinde ótken brifingte ǵylym jáne joǵary bilim ministrligi joǵary jáne joǵary oqý ornynan keiingi bilim komiteti tóraǵasynyń orynbasary Gúljan Jarasova málimdedi.
"Osy saladaǵy strategiialyq áriptestik aiasynda jetekshi sheteldik joǵary oqý oryndarynyń filialdary ashylýda. Ál-Farabi atyndaǵy QazUÝ bazasynda Resei Ulttyq iadrolyq zertteý ýniversiteti quryldy. Esenov ýniversitetiniń bazasynda nemis tehnikalyq ýniversitetteriniń konsortsiýmy da jańa formattaǵy elektr energetikasy salasynyń injenerlerin daiarlaýdy bastady. Almaty energetika jáne bailanys ýniversitetiniń bazasynda 2024 jyly Anhalt ýniversitetiniń filialy ashyldy, onda elektrotehnika jáne energetika mamandary daiarlanady", - dedi Gúljan Jarasova.
Sońǵy úsh jylda bul salada 1800-den astam túlek bilim aldy. Gúljan Jarasovanyń aitýynsha, atalǵan salaǵa kadrlar daiarlaý 2000 jyldan bastap júzege asyrylyp keledi jáne 4500-den astam stýdent, magistrant, doktorant diplom aldy.
Ministrlik ókili sondai-aq naryq talaptaryna sáikes injenerlerdi daiarlaý baǵdarlamalaryna jasandy intellektini kásibi qyzmette paidalanýǵa úiretetin pánder engiziletinin aitty
Qazaqstanda úsh JOO sheteldik seriktestermen birlesip jasandy intellekt salasynda kadrlar daiarlaýdy bastady.
