Foto ©️ Tengrinews.kz / Alihan Sariev
Biyl respýblikadaǵy sý qoimalarynda rekordtyq kólemde sý jinaldy – 75 milliard tekshe metrden astam, onyń 12 milliard tekshe metrden astamy – tasqyn sýlar, - dep habarlaidySý resýrstary jáne irrigatsiia ministrliginiń baspasóz qyzmeti.
Vedomstvonyń málimetinshe, tasqyn sýdy durys bólý tek sý qoimalaryn toltyryp qana qoimai, sońǵy jyldary qurǵaýǵa ushyraǵan ózender men kólderge, limandarǵa, tabiǵi jaiylymdarǵa jáne basqa da nysandarǵa sý baǵyttaýǵa múmkindik bergen.
"Jyl basynan beri Balqash kóline 15,4 milliard tekshe metr sý quiyldy, bul byltyrǵymen salystyrǵanda 4 milliard tekshe metrge kóp. Onyń ishinde tasqyn kezinde 3,3 milliard tekshe metr sý óqiyldy. Kaspii teńizine jyl basynan beri 17 milliard tekshe metr sý jetti", – delingen vedomstvonyń baspasóz habarlamasynda.
Sý resýrstary ministrligi Almaty oblysyndaǵy Qapshaǵai sý qoimasy 10 jylda alǵash ret 100 paiyz tolyp, 18 milliard tekshe metrden astam sý jinaǵanyn eske saldy.
Sondai-aq tasqyn kezinde Batys Qazaqstan oblysyndaǵy Qamys-Samar kólderine 80 million tekshe metr sý jiberilgeni atap ótildi. Ulytaý oblysynan Qyzylorda oblysyna 839 million tekshe metr sý qaita bólingen. Nátijesinde bul sý Sarysý ózeni arqyly Qyzylorda oblysynyń kól júielerine baqylaý tarihynda alǵash ret jetken.
"Eldiń ońtústiginde sý diplomatiiasy, sýdy naqty bólý jáne sý únemdeý tehnologiialaryn engizý arqyly sý teńgerimin jaqsartý múmkin boldy", – dedi baspasóz qyzmeti.
Mysaly, biyl Soltústik Aral teńizine shamamen 2,5 milliard tekshe metr sý quiyldy, bul 2023 jylmen salystyrǵanda 400 million tekshe metrge kóp. Sý únemdeý tehnologiialaryn qoldaný Qyzylorda oblysynyń diqandaryna 200 million tekshe metr sýdy únemdeýge múmkindik berip, bul sý da Soltústik Aralǵa baǵyttaldy.
Jalpy, jyl basynan beri Qyzylorda oblysynyń kólder júielerine 4,7 milliard tekshe metrden astam sý kelip quiyldy. Salystyrmaly túrde byltyr bul kórsetkish shamamen 4,3 milliard tekshe metr bolǵan.
Aita keteiik, Qazaqstan sý qoimalaryna 89 milliard tekshe metr sýǵa deiin syiady.
