Midjourney
Jambyl oblysynyń ákimi Erbol Qarashókeevten toi ótkizýge arnalǵan standarttar men erejelerdi engizý jospary týraly suraldy, - dep habarlaidy Ult.kz Tengrinews.kz-ke silteme jasap.
Ortalyq kommýnikatsiialar qyzmetindegi (OKQ) brifing barysynda óńirdiń aqsaqaldary toi mádenietin qalyptastyrý týraly usynys bildirgeni belgili boldy. Jýrnalister oblys ákimine bul sharalar toidaǵy ysyrapshyldyqty jáne shamadan tys shyǵyndardy azaitýǵa kómektese me dep saýal qoidy.
"Jaqynda biz de osyny taldadyq. Eger Taraz ben aýdan ortalyqtaryn qarasaq, juma, senbi jáne jeksenbi kúnderi bir toiǵa shamamen 300 adam keledi. Muny (toi sanyn - red.) kóbeitsek, demalys kúnderi kún saiyn 20-25 myń adam toiǵa barady. Sondyqtan biz asabalardy-júrgizýshilerdi jinadyq. Olardyń qatysýymen kodeks, arnaiy erejeler jasadyq. Munda usynystar ákimdik tarapynan, meniń ishki saiasatty qadaǵalaityn orynbasarym osy máselemen ainalysady", - dedi Qarashókeev.
Jambyl oblysynyń ákimi toilarǵa jumsalatyn shyǵynnyń ornyna ata-analar qarajatty jas jubailarǵa qoldaý kórsetýge baǵyttaǵany durys ekenin atap ótti.
"Meniń oiymsha, ata-analar osy aqshany jinap, jas otbasylarǵa kómek kórsetse, jaqsy bolar edi. Belgili bir standarttardy engizip, artyq shyǵynǵa jol bermeý kerek. Mundai is-sharalardy ótkizýde zańbuzýshylyqqa da jol bermeý qajet. Bul - asabalarmen-júrgizýshilermen atqaratyn jumysymyz. Bizde Sherhan Murtaza mádeniet ortalyǵy bar. Barlyq mamandy sonda jinap, uzaq talqyladyq. Meniń oiymsha, biz bul protsesti retteimiz", - dep túiindedi ákim.
