Táýelsizdik alǵannan beri Qazaqstan halyqaralyq uiymdardyń jumysyna belsendi aralasyp keledi.
Birikken Ulttar Uiymy, Shanhai yntymaqtastyq uiymy, Eýraziialyq ekonomikalyq odaq siiaqty bedeldi uiymdarda Qazaqstan óz rólin atqarýda.
Osy kúnge deiin elimizdiń iadrolyq qarýsyzdanýdaǵy sheshimi, klimattyń ózgerýi men jahandyq ekologiia máselelerina qatysty ótkizgen forýmdary men sammitteri, azyq-túlik qaýipsizdigi, álemdegi turaqtylyq jáne beibitshilik taqyryptaryn túrli minberlerden sóz etýi Qazaqstannyń gýmanitarlyq diplomatiiasy kún tártibinen tys qalmaǵanynyń aiǵaǵy.
Memleket basshysy Qasym-Jomart Toqaevtyń Birikken Ulttar Uiymynda jumys isteýi men diplomattyq tájiribesi eldiń osy baǵytta damýyna eleýli úles qosýda.
2016 jyly Ortalyq Aziiada alǵashqy bolyp Qazaqstan BUU Qaýipsizdik Keńesiniń turaqty emes múshesi bolyp sailanýy elimizdiń pozitsiiasyn aiqyndaýǵa yqpal etti deýge bolady.
Qazaqstan óz keziginde beibit bastamalardy kóterip, jahandyq ózekti máselelerge qatysty ún qatyp júr. Bul eldiń halyqaralyq bedeline oń yqpal etedi.
