Foto: Pexels.com
Qazaqstandaǵy áielder sany - 10 381 377, bul - elimizdegi jalpy halyq sanynyń 51,1%-y, dep habarlaidy Ult.kz Tengrinews.kz-ke silteme jasap.
Keiingi on jylda áielder sany 15,2%-ǵa ósti. Áielderdiń 64,4%-y qalada, 35,6%-y aýyldyq jerlerde turady.
Óńirler boiynsha statistika qandai?
Áielder sany boiynsha óńirler arasynda Almaty alda keledi: munda 1,2 mln áiel turady.
Ekinshi orynda Túrkistan oblysy tur, munda 1 mln áiel turady.
Úshinshi orynda 803 myń arýy bar Astana tur.
Keiingi on jylda áielder sanynyń eń joǵary ósimi elordada baiqalǵan: 82,1%. Almatyda qyz-kelinshekter sany 37,5%-ǵa, Mańǵystaý oblysynda 32,5%-ǵa ósken.
Aita keteiik, Qazaqstandaǵy áielderdiń ortasha jasy - 34,1 jas. Sonymen qatar, búginde 4,4 mln áiel ártúrli calada jumys isteidi, olardyń basym bóligi bilim berý, saýda jáne densaýlyq saqtaý salalarynda eńbek etedi.
