Qazaqstannyń birneshe oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-nyń málimetterine silteme jasap.
Kásiporyn taratqan málimetterge qaraǵanda, 2020 jyldyń 27 shildesindegi derekter boiynsha 28 shilde kúni Aqmola oblysynyń kei jerlerinde kúndiz jańbyr jaýady. Birqatar aýmaǵyna naizaǵai oinap, daýyl turady, burshaq jaýýy yqtimal. Soltústikten, soltústik-shyǵystan jel soǵyp, kei jerlerdi jyldamdyǵy sekýndyna 15-20 metrge jetedi.
Nur-Sultan qalasynda 28 shilde kúni kúndiz jańbyr jaýady. Naizaǵai, burshaq jaýy múmkin. Soltústikten, soltústik-shyǵystan jel soǵyp, kúndiz ekpini sekýndyna 15-18 metrge jetedi. Kókshetaýda naizaǵai oinaidy.
28 shildede Qaraǵandy oblysynyń kei jerlerinde jańbyr jaýady. 28-29 shildede kei jerlerde naizaǵai oinap, daýyl turyp, burshaq jaýady. Jel soltústik-shyǵystan, shyǵystan soǵady, jyldamdyǵy birqatar aýmata sekýndyna 15-20 metr, ekpini 23-28 metr bolady. Oblystyń ońtústiginde órt qaýipi saqtalady.
Qaraǵandyda naizaǵai oinap, kúshti jel turady. Soltústik-shyǵystan, shyǵystan soqqan jeldiń jyldamdyǵy sekýndyna kúndiz 18 metrge jetedi. Jezkazganda kúndiz naizaǵai oinap, jel kúsheiedi. Soltústik-shyǵystan, shyǵystan soqqan jeldiń jyldamdyǵy sekýndyna 18 metrge jetedi.
Qyzylorda oblysynyń kei jerlerinde túnde jáne tańerteń naizaǵai oinaidy. Tańerteń jáne kúndiz soltústikten, soltústik-batystan jel soǵyp, kúshi kei jerlerde 15-20 m/s bolady, shańdy daýyl turýy yqtimal. Kúndiz óte joǵary órt qaýipi saqtalady.
Qyzylordada túnde jáne tańerteń naizaǵai oinaýy yqtimal.
Qostanai oblysynyń kei jerlerinde naizaǵai oinap, daýyl turyp, burshaq jaýady. Soltústikten, soltústik-shyǵystan soqqan jeldiń jyldamdyǵy sekýndyna 15-20 metrge jetedi. Qostanaida naizaǵai oinaýy múmkin.
28 shildede kúndiz Túrkistan oblysynyń kei jerlerinde naizaǵai oinap, shańdy daýyl turady. Soltústik-batystan soǵatyn jeldiń kúshi sekýndyna 15-20 metrge jetedi.
Shymkentte 28 shilde kúni soltústik-batystan soqqan jeldiń ekpini sekýndyna 15-20 metr bolady. Túrkistan qalasynda kúndiz soltústik-batystan ekpini 15-20 m/s jel soǵady.
Shyǵys Qazaqstan oblysynyń kei jerlerinde naizaǵai oinap, daýyl turady, kúndiz burshaq jaýýy yqtimal. Ońtústik-shyǵystan jel soǵyp, ońtústik-batysqa aýysyp, kei jerlerde jyldamdyǵy sekýndyna 15-20, kúndiz ekpini 25 metr bolady.
Óskemen qalasynda 28 shilde kúni naizaǵai oinap, burshaq jaýady. Ońtústik-shyǵystan soqqan jel ońtústik-batysqa oiysyp, kúndiz ekpini 15-20 m/s-qa jetedi.
Semeide 28 shilde kúni kúndiz naizaǵai oinap, burshaq jaýady. Ońtústik-shyǵystan soqqan jel ońtústik-batysqa oiysyp, kúndiz ekpini 15-20 m/s-qa jetedi.
Soltústik Qazaqstan oblysynyń kei jerlerinde naizaǵai oinap, burshaq jaýady. Soltústikten, soltústik-shyǵystan jel soǵyp, kúndiz kei jerlerde kúshi 15-20 m/s-qa jetedi.
Petropavlda kúndiz naizaǵai oinaidy.
Aýa raiy boljamynyń yqtimaldylyǵy 75-100 %
