Qazgidromet 5 maýsymǵa arnalǵan aýa raiy boljamyn jariialady, dep habarlaidy QazAqparat.
Qazaqstan territoriiasynyń basym bóliginde atmosferalyq frontaldy bólikterdiń ótýimen qubylmaly aýa raiy saqtalady. Kei jerlerde naizaǵaimen jańbyr jaýady, burshaq jaýýy yqtimal, respýblikanyń shyǵysynda túnde kei jerlerinde qatty jaýyn-shashyn jaýady (jańbyr qarǵa ulasady). Respýblikanyń kei jerlerinde jeldiń kúsheiýi, daýyl, shańdy daýyl, soltústik jáne shyǵysta tuman kútiledi.
Túnde Qyzylorda oblysynyń kei jerlerinde, kúndiz basym bóliginde jel 15-20 m/s, kýndiz ekpini 25 m/s kúsheiedi, kei jerlerde shańdy daýyl bolady. Túrkistan oblysynyń kei jerlerinde daýyl, shańdy daýyl kútiledi, jel 15-20, kúndiz ekpini 23-28 m/s kúsheiedi. Shyǵys Qazaqstan, Qaraǵandy, Pavlodar oblystarynyń kei jerlerinde daýyl kútilip, jel 15-20, kúndiz ekpini 23-28 m/s kúsheiedi, Shyǵys Qazaqstan oblysynda tuman bolady, Shyǵys Qazaqstan, Qaraǵandy oblystarynda burshaq jaýýy yqtimal. Almaty oblysynda naizaǵai kezinde jel 15-20, ekpini 23-28 m/s kúsheiedi, kei jerlerde burshaq jaýýy yqtimal. Mańǵystaý oblysynyń kei jerlerde shańdy daýyl kútiledi, jel 15-20 m/s kúsheiedi, burshaq jaýýy yqtimal. Aqtóbe, Qostanai, túnde Aqmola oblystarynda tuman kútiledi.
Kúndiz Qyzylorda, Jambyl, Almaty oblystarynyń basym bóliginde, Túrkistan oblysynyń kei jerlerinde qatty ystyq saqtalady.
Aqmola, Qostanai, Soltústik Qazaqstan, Pavlodar, Qaraǵandy oblystarynyń kei jerlerinde, Shyǵys Qazaqstan oblysynyń soltústik shyǵysynda túnde 2 gradýs úsik kútiledi.
Qyzylorda, Jambyl, Aqtóbe, Qaraǵandy, Almaty, Atyraý oblystarynda, Shyǵys Qazaqstan, Túrkistan, Qostanai, Pavlodar, Aqmola oblystarynyń kei jerlerinde óte joǵary órt qaýpi saqtalady.
