Elimizdiń 6 óńirinde qoqys órteitin zýaty salynady, dep habarlaidy "Ult aqparat".
Bul týraly Ekologiia, geologiia jáne tabiǵi resýrstar ministri Maǵzum Myrzaǵaliev halyq aldyndaǵy eseptik kezdesinde aitty.
«Túziletin qaldyqtardyń kólemin qysqartý úshin «Waste to Energy» qaldyqtardy energetikalyq kádege jaratý tetigin engizý jónindegi zań qabyldandy. Qoqys jaǵatyn zaýyttar salý úshin alty qala belgilendi. Olar: Nur-Sultan, Aqtóbe, Almaty, Shymkent, Qaraǵandy jáne Óskemen. Ákimdikter zaýyt qurylysyna qajet jer telimderin bóldi. Energiia berýshi uiymnan elektr jelisine qosýdyń taiaý núktelerin bekitti. Energiia óndirýshi uiymdardyń tizbesin qalyptastyrý úshin aýktsiondy ótkizýge qujattardy qabyldaý bastaldy. Ekinshi jartyjyldyqta qorytyndy shyǵaramyz», - dedi vedomstvo basshysy.
Ministr ruqsat etilmegen qoqys poligondarynyń problemasyna da toqtaldy.
«Ǵaryshtyq monitoring aiasynda jyl saiyn segiz myńǵa jýyq qoqys úiindileri anyqtalady. Bul rette, zańsyz qoqys úiindileri máselesin júieli sheshý úshin jańa Ekologiia kodeksinde qoqys shyǵaratyn kólikterge GPS-datchikterdi mindetti túrde ornatý máselesi kózdelgen. Qaldyqtardy qaita óńdeýmen jáne kádege jaratýmen ainalysatyn kásiporyndar úshin litsenziialaý jáne qoqys shyǵaratyn uiymdar úshin habarlama jasaý tártibi engizildi», - dedi ministr.
