2020-2021 jyldary memlekettik eńbek inspektorlary 11 myńnan astam zańbuzýshylyqty anyqtady. Bul týraly QR Úkimetiniń otyrysynda Eńbek jáne halyqty áleýmettik qorǵaý ministri Serik Shápkenov aityp berdi, dep habarlaidy QazAqparat.
Zańbuzýshylyqtardyń 34% eńbek qaýipsizdigi jáne eńbekti qorǵaý salasyna tiesili. Atap aitqanda, qaýipsiz eńbek jaǵdailaryn qamtamasyz etpeý jáne jumysshylardy eńbek qaýipsizdigi boiynsha oqytý men nusqama júrgizbeý jaǵdailary kóp kezdesedi.
«Jumys berýshilerge 4,3 myńnan astam nusqama berilip, 278 mln teńge somada 1,6 myńnan astam aiyppul salyndy. Laýazymdy tulǵalardyń jaýapkershiligin qaraý maqsatynda memlekettik eńbek inspektorlary, eńbekti qorǵaý talaptaryn buzý faktileri boiynsha materialdardy quqyq qorǵaý organdaryna jiberdi, olar boiynsha 193 qylmystyq is qozǵaldy. Qazirgi ýaqytta memlekettik baqylaý quraldaryn jetildirý maqsatynda eńbekti qorǵaý talaptarynyń saqtalýyna profilaktikalyq baqylaýdy kúsheitý úshin aqparat kózderi men táýekelderdi avtomattandyrý boiynsha jumystar júrgizilýde», - dedi Serik Shápkenov Úkimet otyrysynda.
Táýekelderdi basqarýdyń zamanaýi júiesin engizý maqsatynda elimizdiń 2,8 myńǵa jýyq kásiporny qaýipsizdik jáne eńbekti qorǵaý standarttaryn engizgen.
«Respýblika kásiporyndarynda 15 myń óndiristik keńester jumys isteidi, olardyń mindetterine eńbekti qorǵaý boiynsha 17 myńnan astam tehnikalyq inspektorlardyń qatysýymen jumys oryndaryndaǵy eńbek jaǵdailaryn tekserýdi uiymdastyrý kiredi. Eldegi 216 kásiporyn Halyqaralyq áleýmettik qaýipsizdik qaýymdastyǵy ázirlegen «Vision Zero - Nóldik jaraqat» tujyrymdamasyn engizdi. Osylai jumys berýshilerdi yntalandyrý úshin olardy deklaratsiialaý qaǵidattary negizinde profilaktikalyq baqylaýdan bosatýdy kózdeitin zańnamaǵa ózgerister engizý qarastyrylýda», - deii Eńbek ministri.
