22 shilde kúni elorda men Qazaqstannyń 10 óńirinde aýa raiyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
Aqtóbe oblysynda qatty jańbyr jaýady. Aqtóbe oblysynyń kei jerlerinde jáne Aqtóbe qalasynda kún kúrkirep, kúndiz burshaq jaýýy múmkin. Soltústik-batystan 15-20 m/s jyldamdyqpen jel soǵady.
Aqmola oblysynyń kei jerlerinde kún kúrkirep, soltústik-shyǵystan 15-20 m/s jel soǵady. Nur-Sultan qalasynda 22 shildede naizaǵai oinap, soltústik-shyǵystan 15-18 m/s jyldamdyqpen jel esedi.
Nur-Sultan qalasynda naizaǵai jarqyldap, soltústik-shyǵystan soǵatyn jeldiń ekpini 15-18 m/s jetedi.
Mańǵystaý oblysynyń kei jerlerinde naizaǵai oinap, soltústik-batystan 15- 20 m/s jel esedi. Kúndiz shańdy daýyl soǵyp, 38-40 gradýs aptap ystyq bolýy múmkin.
Batys Qazaqstan oblysynyń kei jerlerinde naizaǵai oinap, burshaq jaýady. Soltústik-batystan soqqan jeldiń jyldamdyǵy 15-20 m/s-ke jetedi. 22 shildede ońtústikte 35 gradýs ystyq bolýy yqtimal. Oblystyń basym bóliginde órt tutaný qaýpi bar.
22 shildede tańerteń jáne kúndiz Qyzylorda oblysynyń kei jerlerinde naizaǵai oinap, shańdy daýyl soǵady jáne burshaq túsedi. Soltústik-batystan soqqan jeldiń jyldamdyǵy 15-20, ekpini 23 m/s bolady. Kúndiz 40-43 gradýs ystyq bolýy múmkin, órt tutaný qaýpi bar. Qyzylordada 22 shildede kúndiz 40-41 gradýs ystyq bolady.
Qostanai oblysynyń kei jerlerinde naizaǵai oinap, daýyl soǵady jáne burshaq jaýady. Soltústik-shyǵystan 15-20 m/s jyldamdyqpen jel soǵady. Qostanai oblysynyń ortalyq jáne ońtústik aýdandarynda órt tutaný qaýipi joǵary. 22 shildede Qostanaida soltústik-shyǵystan kúndiz 18 m/s jyldamdyqpen jel soǵady.
Shyǵys Qazaqstan oblysynyń kei jerlerinde naizaǵai oinap, daýyl bolady, kúndiz burshaq jaýady. Soltústik-batystan, soltústikten 15-20 m/s jyldamdyqpen jel soǵady, ekpini 25 m/s-ke jetedi. Óskemende 22 shilde túnde kún kúrkireidi. Soltústik-batystan, soltústikten 15-20 m/s jyldamdyqpen jel soǵady.
Semei qalasynda 22 shilde túnde naizaǵai oinaidy. Soltústik-batystan, soltústikten 15-20 m/s jyldamdyqpen jel soǵady.
22-23 shildede Qaraǵandy oblysynyń kei jerlerinde naizaǵai oinap, daýyl soǵady jáne burshaq jaýady. Soltústik-shyǵystan jel soǵyp, kei jerlerde jyldamdyǵy 15-20 m/s-ke, ekpini 23-28 m/s-ke jetedi. 23 shildede ońtústikte 35 gradýs aptap ystyq bolýy múmkin. Oblystyń ońtústiginde órt tutaný qaýpi joǵary. 22 shildede Qaraǵandyda jel soltústik-shyǵystan soǵyp, kúndiz ekpini 15 m/s-ke jetedi.
Jambyl oblysynda kei jerlerde 39°S-qa deiin qatty ystyq kútiledi. 23-24 shildede kei jerlerde naizaǵai, daýyl, ońtústik-batystan soǵatyn jel soltústik-batys jeline aýysady, jeldiń kúni 15-20 m/s jetýi yqtimal.
Daýyldy eskertýdiń yqtimaldylyǵy 70-100 %.
