Almaty qalasy ákiminiń orynbasary Erjan Babaqumarov «Qazaqstannyń 100 jańa esimi» jobasynyń tórtinshi kezeńiniń jeńimpazy bolǵan almatylyqtarmen kezdesti, dep "Ult aqparat".
Bul joba 2017 jyldan bastap «Rýhani jańǵyrý» baǵdarlamasy aiasynda básekege qabilettilik, pragmatizm men bilimge tabyný ideialaryn ártúrli mamandyqtaǵy naqty adamdardyń arqasynda iske asýda.
Tórt jyldyń ishinde jobaǵa 7 myńnan astam adam qatysty, olardyń 163-i jeńimpaz atandy. 46-sy – almatylyqtar.
Baiqaýdyń tórtinshi kezeńinde barlyq jeti sala boiynsha («Qoǵam», «Mádeniet pen sport», «Meditsina», «Ǵylym men innovatsiia», «Biznes», «Ekologiia» men «Bilim») úsh myńǵa jýyq qazaqstandyq ótinim bergen, arasynda 9 almatylyq finalis bar. Oǵan kásipkerler, ǵalymdar, jýrnalister, sportshylar, muǵalimder men eriktiler qatysqan.
Almaty ákiminiń orynbasary Erjan Babaqumarov jeńimpazdarǵa alǵys hattar tabys etti.
«Jobada Táýelsizdik jyldarynda jetistikke jetken, jeńiske ózderiniń talanty, eńbekqorlyǵy arqyly básekege qabiletti ári tabysty beinesin qalyptastyrýǵa óz úlesterin qosqan adamdar jetti. Bizdiń Otanymyz daryndy azamattarǵa jaǵdai jasaidy. Patriotizmde Otanǵa degen súiispenshiligimiz mańyzdy. Bizdiń elimiz jastardyń jetistikke jetýine múmkindik beredi. Joba jeńimpazdary milliondaǵan adam úshin úlgi», – dedi Erjan Babaqumarov.
«100 esimge» engenderdiń ishinde QazUAÝ halyqaralyq vaktsinologiia ortalyǵynyń direktory, professor Qaisar Tabynov bar. Ǵalym «Ǵylym men innovatsiia» salasynda jeńimpaz atandy: ol óz tobymen birge sońǵy 15 jyl ishinde qaýipti infektsiialarǵa qarsy 10-ǵa jýyq vaktsina jasady. Onyń biregei jobalary qazirdiń ózinde qoldanylady.
Jeńimpazdar qatarynda jańashyl ári tabysty kásipker Tair Batalov ta bar. Ol astyq naryǵyndaǵy álemdik ainalymnyń 80% deiin kólemin qamtyǵan kompaniia qurý arqyly myńnan astam jumys ornyn qurdy.
Jeńimpazdar tizimine professor, jýrnalist ári «Turan-TV» telearnasynyń júrgizýshisi, Abylaihan atyndaǵy QazHQjÁTÝ oqytýshysy Madina Áshimova kirdi. Ol sondai-aq «Nomad» saiahatshylar klýbyn uiymdastyrady.
«Men birqatar áleýmettik jobanyń uiymdastyrýshysymyn, jýrnalist bolyp jumys isteimin ári JOO-da sabaq beremin. Jas qazaqstandyqtarǵa óz armanyna jetý kerektigin kórsetkim keledi. Meniń jobaǵa qatysýym áieldiń taǵdyry tek otbasy men úide ǵana emes ekenin kórsetedi», – dedi Madina Áshimova.
Sondai-aq «100 jańa esim» jobasynyń jeńimpazdary qatarynda fotograf, «OKO STUDIO» negizin qalaýshy Daniiar Sárseiuly, AQSh-taǵy hokkei klýbynyń jattyqtyrýshysy, Princeton Tiger Lilies komandasynyń bas jattyqtyrýshysy, sportshy ári hokkei shabýylshysy Bulbul Kartanbai, startaper, Warwick Boring negizin qalaýshy ári bas injeneri Taijan Sanjar, himiia pániniń muǵalimi, japondyq anime «Narýto» arqyly mektep páninen sabaq beretin Ulan Úsenov, Kzphdgirlsunion eriktiler jobasynyń negizin qalaǵan, Carl Zeiss kompaniiasyndaǵy ekstremaldy ÝK-liftografiia salasyndaǵy ǵalym Ámina Mirsakieva jáne AQSh-taǵy Qazaq time jobasynyń júrgizýshisi Daniiar Qojan bar.
