Qazaqstandaǵy statsionarlyq aýrýhanalarda KVI juqtyrǵandardy reseilik jańa preparatpen emdeidi. Jańa dáriniń jetkizilgenin OKQ-da ótken baspasóz máslihatynda QR densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Avifavir» atty jańa preparat koronavirýs infektsiiasyn juqtyrǵandardy emdeýge arnalǵan hattamaǵa engizilgen.
«Bul preparat bir rettik tártipte satyp alynyp, bizdiń elge jetkizildi. Onymen statsionarlyq naýqastardy emdeidi. Osy preparatpen emdeletin adamdar baqylaýǵa alynady. Sebebi ol preparat - jańa. Klinikalyq synaqtan jaqynda ǵana ótken», - dedi Ajar Ǵiniiat.
Aita ketsek, buǵan deiin Resei Federatsiiasynda atalǵan preparat synaqtan sátti ótkizilgeni habarlanǵan edi.
