Foto: Tengrinews.kz/ Turar Qazanǵapov
Qazaqstandyqtardyń bankke bereshegi 24 trln teńgeden asqan, al qaryzy bir jylda 22,9 paiyzǵa artqan, - dep habarlaidy Ult.kz, Massaget.kzke silteme jasap.
Baspanaǵa, oqýǵa, úi jóndeýge...
1 qańtardaǵy málimet boiynsha jeke tulǵalardyń bankke bereshegi 24 trillion teńgeden asqan. Jurttyń qaryzy tek bir jyl ishinde 22,9 paiyzǵa artqan.
Sonyń ishinde kepilsiz nesie jáne ipoteka dep bólip qarasaq, oqýǵa, úi jóndeýge aqshalai nemese turmystyq tehnikany bólip tóleýge kepilsiz aqsha alǵandardyń sany 8 millionnan asyp ketken. Al onyń ósimi 23 paiyzǵa jetip, 12 trillion teńgege jaqyndaǵan. Baspanaly bolamyn degen jurttyń qaryzy bir jylda 14 paiyzǵa ósip, 6,7 trillion teńge bolǵan. Iaǵni onyń jartysynan kóbi 2023-2024 jyldary alynǵan.
Avtonesie boiynsha esep qandai?
Málimetke súiensek, avtonesie de kósh basynda. Elimizde 559 myńnan asa adam nesiege kólik alǵan. Jalpy bereshektiń 45 paiyz úlesi solarǵa tiesili. Aqshaǵa shaqqanda 3,6 trillion teńge. Bul málimetterdi birinshi kredittik biýro usyndy.
"Qazaqstandyqtardyń bankterge bereshegi - 24 trillion teńge. Bir jylda jalpy qaryz somasy - 22,9%, tutynýshy nesieleri - 22,9%, ipotekalyq qaryz alýshylar 14,1%-ǵa ósken, al avtonesie boiynsha bereshek - 44,8%", - dep jazylǵan málimette.
