QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov qazaqstandyqtardyń Túrkiiaǵa qai kúnnen bastap usha alatynyn aityp berdi, dep habarlaidy "Ult aqparat".
«Bári de bizdiń memlekettegi jáne bizben seriktes eldegi epidemiologiialyq aýhalǵa bailanysty. Búgingi tańda 10 tamyzdan bastap Túrkiiaǵa áýe reisin jandandyrý máselesi pysyqtalyp jatyr», - dedi Dastan Rysbekov OKQ-da ótken baspasóz máslihatynda.
Eske sala ketsek, buǵan deiin Tailand pen Grýziiaǵa áýe reisteri ashylýy múmkin ekeni málimdelgen.
Sondai-aq Dastan Rysbekov Alakól men Býrabaiǵa demalýǵa baratyn otbasynyń kem degende bir múshesinde PTR-test anyqtamasy bolýy kerektigin eske salǵan edi.
